Fundación Ibercaja colabora co programa Emprego Con Apoio para a inserción laboral das personas coa síndrome de Down
Down Coruña e Vegalsa presentaron a pasada semana un novo proxecto para promover a inserción laboral de persoas coa síndrome de Down e/ou discapacidade intelectual no sector agrícola. “We La Alegría de la Huerta” conta coa colaboración da compañía de Hortalizas Roberto López e a Escola Politécnica Superior de Enxeñería Agrónoma da Universidade de Santiago de Compostela. Esta iniciativa, na que participarán 6 mozos e mozas da Asociación Down Coruña, ten como principal obxectivo a adquisición das destrezas necesarias para desempeñar un posto de traballo dentro do sector agrícola. O proxecto piloto, que terá unha duración de catro meses, comezará con tres semanas de formación teórica impartida por profesionais da Asociación Española de Terapia Hortícola e Horticultura Escolar. Posteriormente, os participantes realizarán prácticas nas explotacións dos produtores colaboradores no proxecto. Creación da marca comercial “We La Alegría de la Huerta” Trala finalización desta experiencia, presentarase unha nova marca denominada “We La Alegría de la Huerta”, asociada aos valores do proxecto e que se comezará a comercializar na rede de supermercados Eroski Center a partir do mes de decembro, dándolles a oportunidade aos clientes de adquirir os produtos cultivados polos participantes do proxecto.
Entradas relacionadas
