Xuntos invita á sociedade pontevedresa a sacar fotos pola inclusión con motivo do Día Mundial da Síndrome de Down
Un ano máis, Down Pontevedra “Xuntos” celebrou a súa tradicional gala benéfica de inicios de ano. Celebrada o pasado venres 8 de xaneiro no Auditorio Pazo da Cultura de Pontevedra, a XIX edición foi todo un éxito. O evento contou cun amplo cartel de artistas, entre os que destacan o dúo cubano “La Ricura”, a charanga Compostela, Javier Araújo, Pili Pampín e Iker, coñecido como “O pequeno Rafael”. Tamén participaron nesta gala o grupo “Sons de Tabernas”, o mago Teto e a formación do violinista Antonio Seijo, ex-compoñente de Milladoiro, “Skylight”. Ademais, o grupo de teatro Axóuxere, conformado por mozos e mozas de Xuntos, volveu a desatar os aplausos dos asistentes ca representación da obra de teatro “Viaxe a ningunha parte”. Baixo a dirección do cantante Ángel Barry, o evento converteuse nunha das iniciativas insignia que a Asociación leva a cabo para recadar fondos destinados a financiar e potenciar as áreas de traballo que na actualidade ten en marcha, entre as que se atopan a atención temperá, a inclusión educativa ou a formación para o emprego. Tras dezanove anos, a gala conseguiu fidelizar non só ao público pontevedrés senón a artistas que repiten edición tras edición, como é o caso do transformista Cristian de Samil ou a Orquesta Pontevedra. Foto: G. Santos (Faro de Vigo)
Entradas relacionadas
