Dous mozos de Down Vigo realizan prácticas laborais internacionais nun hotel de Milán
O pasado mes de agosto, tras máis de catro anos desempregada, Alba Abuín iniciou a súa andaina profesional en Decathlon. Comezou cun contrato de tres meses de duración que, ó chegar ó seu fin, lle prorrogaron outros tres. A partir de agora xa non terá que mirar o calendario tan a miúdo, xa que acaba de asinar un contrato indefinido. Esta moza de 27 anos, membro de Down Lugo, traballa como vendedora na sección de fitness, na que “mellorou moitísimo o clima laboral trala súa contratación”, segundo nos indican os responsables da tenda. Alba conseguiu esta oportunidade laboral grazas ao programa de Emprego con Apoio que en Galicia levan a cabo todas as entidades Down desde o ano 2.002. O programa, que mantén bos resultados de inserción a pesar da crise, está orientado a facilitar que as persoas con discapacidade encontren emprego en empresas ordinarias. Para que estas insercións sexan efectivas cóntase coa figura de un preparador o preparadora laboral (profesional que se encarga de ensinar á persoa con discapacidade no posto de traballo), e que non supón custe algún para a empresa. Este tipo de apoio en no posto é gradual e vaise retirando ata desaparecer por completo a medida que a persoa con discapacidade vai adquirindo autonomía nas tarefas propias do seu posto. É preciso resaltar que a participación e, cada vez maior presenza das persoas con discapacidade intelectual nas empresas ordinarias contribúe de forma eficaz a desterrar os tópicos que tradicionalmente se lles atribúen, resultando un modo sumamente eficaz de inclusión social. Contribúe, así mesmo, a propiciar un cambio de visión, de persoa con discapacidade a traballador ou traballadora, constatándose unha importante implicación dos compañeiros e compañeiras de traballo na aceptación da diversidade.
Entradas relacionadas
