Celebrada una nueva edición del Campeonato de Baristas Down de Galicia
O alcalde de Santiago, Martiño Noriega, departiu esta mañá con algúns dos mozos que acoden habitualmente a Down Compostela durante a visita a institución que realizou á sede da Fundación, acompañado pola concelleira de Políticas Sociais, Concha Fernández. O alcalde coñeceu de primeira man as necesidades da Fundación e as inquietudes das persoas con trisomía 21 e discapacidade intelectual. O presidente de Down Compostela, Juan Martínez, e o secretario, Jaime López, trasladaron a Martiño Noriega a situación da Fundación, que atende a máis de 110 persoas con Síndrome de Down e discapacidade intelectual, e ás súas familias, que residen nuns 40 municipios da área de influencia de Santiago. Juan Martínez insistiu na necesidade de que desde o Concello de Santiago se aposte decididamente pola incorporación ao emprego público de persoas con discapacidade intelectual, coa reserva específica de prazas nas oposicións, como están a facer outras administracións. Ademais, volveron expor ao alcalde a posibilidade da cesión de uso da parcela que rodea a sede da Fundación para ampliar as actividades de xardinería. Martiño Noriega comprometeuse a dar traslado a cada un dos departamentos competentes das demandas de Down Compostela. En relación ao uso da parcela, o alcalde entende que se trata “dunha cuestión de vontade política e de ver a viabilidade técnica”. Na súa primeira visita institucional como alcalde de Santiago á Fundación, Noriega avanzou que o goberno municipal está a ultimar a inclusión de cláusulas sociais nos pregos administrativos. Asegurou que “é realmente importante incluír este tipo de cláusulas en toda licitación que se faga, por iso levamos meses a traballar para que se poidan incorporar nos procedementos de contratación públicos”. Martiño Noriega finalizou a súa visita a Down Compostela asinando no libro de honra da Fundación.
Entradas relacionadas
