“As persoas con discapacidade intelectual teñen as mesmas necesidades de orientación académica e profesional que o resto”
Empresas que desenvolven a súa actividade en Ferrol asistiron o pasado xoves nesta cidade a un encontro empresarial organizado por Fundación MAPFRE. O obxectivo foi presentarlles o programa “Juntos Somos Capaces”, que leva a cabo esta entidade desde 2010 co fin de promover a formación ocupacional e a inserción laboral de persoas con discapacidade intelectual e enfermidade mental. Durante o encontro, que foi posible grazas ao apoio da Confederación de Empresarios de Ferrolterra, Eume e Ortegal (COFER) e a Federación DOWN GALICIA xunto coa súa entidade membro Asociación DOWN FERROL “TEIMA”, convidouse ás empresas, entre elas Pull & Bear Narón, a que participen no devandito programa facilitando a estas persoas en risco de exclusión social e en situación de desemprego de longa duración prácticas laborais coas que obteñan máis oportunidades profesionais no futuro. As empresas que se adhiran a este programa recibirán o apoio e o seguimento necesario por parte de profesionais especializados de entidades como DOWN FERROL “TEIMA”. COFER segue demostrando así o seu gran compromiso coas persoas máis vulnerables, apoiando o seu desenvolvemento profesional, a súa educación e o seu acceso ao emprego. Os excelentes resultados do programa Juntos Somos Capaces converten a Fundación MAPFRE nun dos principais dinamizadores da inserción socio-laboral das persoas con discapacidade intelectual e enfermidade mental en España. Desde fai seis anos, o programa fixo posible que máis de 3.000 empresas colaboren actualmente co programa, facilitando a formación a 1.700 persoas e a inserción laboral de 2.000 persoas. No acto participaron D. Cristóbal Dobarro Gómez, Presidente de COFER; D. Manuel Francisco Piñeiro Fernández, Director de Oficina MAPFRE Ferrol e Dna. Marta Álvarez Fernández, Responsable da área de formación e emprego de Teima Down Ferrol.
Entradas relacionadas
