Down Coruña colabora coa iniciativa “Hábitat sen lixo” e realiza unha limpeza na praia do Orzán
A nova sede de Down Coruña, situada no lugar de Pedralonga, supuxo a recuperación da antiga escola do barrio, ademais da construción dun novo inmoble. Unhas obras que contaron cun investimento superior aos 800.000 euros e que foron posibles grazas á colaboración do Concello da Coruña e a Deputación Provincial. O novo centro ocupa unha parcela de case 2000 metros cadrados, que o consistorio coruñés cedeu á entidade por un prazo de 75 anos. O acto de inauguración destas novas instalacións coincidiu coa celebración do Día Mundial da síndrome de Down. Á cita asistiron o Alcalde da Coruña, así como representantes dos distintos grupos da Corporación Municipal, o Presidente da Deputación Provincial da Coruña, o Delegado Territorial da Xunta e o Conselleiro de Política Social, entre outras autoridades. Tamén representantes de distintas entidades privadas que habitualmente colaboran con esta asociación. No seu discurso, o Presidente de Down Coruña, Manuel Álvarez, lembrou a importancia que ten este día para as máis de 80 familias que na actualidade integran esta asociación. Tamén mencionou como fai xa cinco anos se iniciou o traballo de “sumar esforzos” para implicar ás distintas administracións que hoxe fixeron posible este proxecto “novas instalacións máis amplas e mellor dotadas, desde as que tamén poderemos ofertar máis e mellores servizos”. De feito, parte deste novo espazo está reservado aos veciños do barrio de Pedralonga. “Non queremos limitarnos a compartir metros cadrados”, manifestou o Presidente de Down Coruña no seu discurso. “Estamos convencidos de que nesta nova etapa podemos e debemos compartir actividades, entre os veciños do barrio e persoas con diversidade funcional, facendo disto non un labor de integración, senón de convivencia entre persoas diferentes”.
Entradas relacionadas
