Down Vigo recibiu a pasada semana o galardón “Vigueses Distinguidos” que outorga a corporación municipal da cidade olívica. A asociación recibiu o premio polo labor desenvolvida desde a súa creación no ano 1989. Carolina, Isaac e Carlos, usuarios e usuarias da entidade, acompañaron a Fernando Molina, Presidente da mesma, na entrega do galardón de mans do Alcalde de Vigo, D. Abel Caballero. Os demais galardoados nesta edición de 2016 foron Conxemar, que recibe a Medalla da Cidade; a Asociación de Familias de Persoas con Parálise Cerebral, o Comesaña Sporting Club, Astilleros Cardama,  Menchu Lamas e a xunta de persoa da Área Sanitaria de Vigo. “Vigueses Distinguidos” é un galardón creado en 1985, polo que se distingue a unha persoa ou grupo de persoas que sobresaíron ó longo da súas vidas, polas súas virtudes humanas ou polo seu facer profesional; vigueses famosos, populares e incluso, nalgúns casos persoas que polo seu labor calado non son coñecidas pola maioría.