A Fundación Once colabora economicamente para mellorar o equipamento tecnolóxico de Down Galicia
A Deputación da Coruña colaborou, durante o exercicio 2015, con Down Galicia cunha achega económica de 9.966,53 euros para o proxecto Emprego con Apoio. Grazas a esta axuda, puideron desenvolverse actuacións no ámbito da inserción laboral na empresa ordinaria que beneficiaron a un total de 52 mozos e mozas con discapacidade intelectual, especialmente coa síndrome de Down. Estas persoas pertencen ao grupo que forman parte da bolsa de emprego do servizo de Emprego con Apoio dos centros de traballo que Down Galicia ten na provincia de A Coruña. En virtude desta axuda, durante o período no que se desenvolveu este proxecto, asináronse 20 convenios de prácticas para 12 persoas que se atopaban en busca activa de emprego, contabilizándose persoas con varios períodos de prácticas na mesma empresa ou en empresas diferentes. Estes períodos de prácticas non foron superiores a tres meses e por sectores, o 30% asináronse no sector servizos, o 25% en turismo e hostalería, o 20% en administración e oficinas, o 15% no sector agrícola e o 10% en comercio. No mesmo período, asináronse 45 contratos de traballo por parte de 35 persoas, dándose a circunstancia de que varias persoas asinaron varios contratos ao longo do ano na mesma empresa (contratos temporais ou prórrogas de contratacións xa existentes). Dos contratos asinados, o 53% son de carácter temporal, mentres que o 47% son indefinidos. En canto ao tipo de xornada laboral, o 98% corresponde a xornada parcial. Por sectores, o 36% corresponde ó sector do comercio, marketing e vendas, o 33% ó sector servizos, o 18% a turismo e hostalería, o 9% a comunicación e ocio, o 2% a administración e oficinas, e tamén o 2% a industria.
Entradas relacionadas
