Celebrada una nueva edición del Campeonato de Baristas Down de Galicia
Un grupo de dez mozos e mozas de Down Compostela recibiron unha clase maxistral de squash da man do campión Jesús Souto nas instalacións do Squash Club Santiago, nunha xornada de achegamento a este deporte que organizou a Federación Galega en colaboración coa Federación Galega de Casas de Turismo Rural (Fegatur) e o club con sede en Milladoiro. O presidente da Federación Galega, Carlos Noya Suárez, mostrouse sorprendido do nivel dalgúns dos participantes, “que teñen unha técnica incrible”, segundo asegurou. Durante máis dunha hora, os dez mozos e mozas estiveron a xogar en dúas das pistas do Squash Club Santiago con Jesús Souto e un dos monitores do club. Posteriormente, houbo quen disputou un pequeno partido con algúns dos xogadores habituais que acoden a adestrar ás instalacións de Milladoiro. Carlos Noya Suárez, foi o promotor desta iniciativa, coa que pretende difundir a práctica do squash entre mozos e mozas galegos para que se animen a federarse. Na actualidade, a Federación Galega conta con máis de 350 deportistas federados. “Agora queremos introducir máis o squash a través dos concellos”, explicou Noya. Unha vez finalizada a práctica deportiva, os dez mozos e mozas de Down Compostela participaron nun ágape de confraternidade, durante o cal se sorteou unha noite de aloxamento nunha das casas de turismo rural que forman parte de Fegatur. Juan Carlos Castiñeiras, de Vedra, foi o afortunado no sorteo, que contou coa colaboración de Inés Fernández Montenegro como man inocente. Todos os asistentes amosáronse encantados coa iniciativa e dispostos a volver xogar ao squash moi pronto.
Entradas relacionadas
