Down Galicia e Clece alíanse para promover a inclusión laboral das persoas con discapacidade intelectual
Das 15 probas de nivel 2 ás que se presentaron acadaron o resultado positivo “Apto” en 14 delas, o que supón un 93,33% de aprobados. A estes exames de Competencias Clave, realizados o pasado 21 de maio en Silleda, concorreron un total de 9 persoas das entidades Down de Ferrol, Lugo, A Coruña e Pontevedra. Os mozos e mozas coa síndrome de Down e con discapacidade intelectual examináronse en igualdade de condicións que o resto das case 3.000 persoas que se presentaban nesta ocasión. Para iso foron solicitadas as adaptacións dos exames á metodoloxía de Lectura Fácil (para facilitar a comprensión das preguntas e dos textos), a ampliación da letra e do tempo para cada exame e, nalgúns casos, persoal de apoio. Neste sentido, as entidades Down en Galicia destacan a importancia de concorrer a este tipo de probas a través do sistema ordinario. Asegúrase, deste xeito, a inclusión social atendendo á diversidade de cada individuo, e garántese que todas as persoas teñan as mesmas oportunidades de acceso e participación en idénticas circunstancias. No tocante ós exames de nivel 3 os resultados non foron tan satisfactorios, xa que soamente o 11% das competencias foron superadas, evidenciando deste modo a complexidade das probas deste nivel. As probas de Competencias Clave As probas de competencias clave son unha das vías de acceso ós novos certificados de profesionalidade de nivel de cualificación 2 e 3. As persoas que as superan están acreditando uns requisitos formativos que asegurarán que posúen os coñecementos necesarios para acceder ós diferentes cursos. Hai 4 competencias clave (lingua galega, española, estranxeira, e matemáticas) e para cada unha hai dous niveis. O nivel 2 correspóndese co título de Graduado en Educación Secundaria ou equivalente, e o nivel 3 correspóndese con Bacharelato ou equivalente. FOTO: Faro de Vigo
Entradas relacionadas
