Aberto o prazo para a solicitude de prazas nos campamentos xuvenís de verán da Xunta de Galicia
A lenda da NBA Glen Rice visitou, da man de BBVA, a Asociación Down Ourense. Mozos e mozas da asociación recibiron ao ex-xogador con gran emoción ao ritmo dos pasos de baile e a música da mascota dos Phoenix Suns, The Gorilla Phoenix Suns. Tras responder ás preguntas e curiosidades dos asistentes, Glen Rice entregou o balón asinado da NBA aos mozos, que a continuación lle ensinaron as instalacións do centro. Durante a visita, a lenda tamén estivo acompañada por Rafael Cabezas e Concepción Estévez, representantes de Down; Miguel Pérez Villayandre, director do Centro de Banca de Empresas e Corporacións de BBVA en Ourense; e Javier Muñiz, director do Centro de Banca de Clientes de BBVA en Ourense. Tras a visita, Javier Muñiz, director do Centro de Banca de Clientes de BBVA en Ourense, declarou que “con este tipo de accións, BBVA demostra unha vez máis que é unha entidade global pero moi local, achegando, nesta ocasión, a mellor liga de basket do mundo a Ourense”. “Esta mañá gozamos cos mozos e mozas de Down Ourense, compartindo a súa paixón, as súas ilusións e os seus soños e esta tarde esperamos gozar coma nenos no Pavillón Os Remedios”, concluíu Miguel Pérez Villayandre, director do Centro de Banca de Empresas e Corporacións de Ourense. Pola súa banda, Rafael Cabezas, tesoureiro da Asociación Down Ourense, comentou “a importancia que ten o deporte no ámbito da inclusión e os valores que este inculca a través do compañeirismo e o traballo en equipo”. Ademais, agradeceu a visita de Glen Rice, “un gran símbolo do baloncesto internacional”, ás instalacións da entidade. Por quinto ano consecutivo, a NBA percorrerá España da man de BBVA achegando ao público a mellor liga de basket do mundo. Faino en dous formatos diferentes: o BBVA Day e a NBA Zone. O primeiro inclúe a visita durante un día dun xogador da NBA a unha cidade e a realización dun clinic con nenos e nenas. A NBA Zone, en cambio, esténdese a 3 días de eventos dixitais: actividades interactivas, agasallos e shows en directo. Nesta nova edición do tour, por primeira vez, os afeccionados elixiron as cidades nas que se celebra o BBVA Day a través dunha plataforma dixital. Unha selección dos clientes que votaron, participa á súa vez nun adestramento privado ao que tamén asiste a estrela da NBA. Unha das paradas elixidas polos internautas dentro desta xira foi Ourense. Así, hoxe tivo lugar nesta cidade galega o BBVA Day con presenza da lenda da NBA Glen Rice, e a mascota dos Phoenix Suns, The Gorilla Phoenix Suns. “É un orgullo que os ourensáns se mobilizasen e conseguisen que a nosa cidade sexa unha das catro elixidas na web”, asegurou o director do Centro de Banca de Clientes de BBVA en Ourense. Tras a súa visita a Ourense, a NBA traslada o seu espectáculo á Coruña coa NBA Zone, situada durante o fin de semana no parking da Cidade deportiva de Riazor. Os fans e as súas familias poderán gozar de multitude de actividades interactivas, de shows en directo como o ofrecido por Lords of Gravity e da presenza de Glen Rice e das mascotas The Gorilla dos Phoenix Suns e Rumble the Bison dos Oklahoma City Thunder. Rice era un xogador cuxa principal característica radicaba no seu lanzamento exterior de tres puntos, posuíndo o noveno mellor rexistro na historia da competición con 1559 triplos convertidos. Tras a visita a Down Ourense, pola tarde Rice realizou máis de dúas horas de clinic con máis de 100 nenos no Pavillón Os Remedios. O resto de paradas do tour serán en Málaga, no formato de BBVA DAY e, Coruña, Valencia, Zaragoza e Granada no de NBA Zone. Nas anteriores edicións, 350.000 persoas pasaron polo Tour da NBA en España. BBVA identifícase con iniciativas asociadas a valores como o esforzo, a sinxeleza, o traballo en equipo e o comportamento ético. Por iso, aposta fortemente polo deporte. Mostra diso é o feito de ser banco oficial da NBA, estar ligado ao fútbol en diferentes clubs e ter como embaixadores de marca á recentemente gañadora de Roland Garros, Garbiñe Muguruza, e ao alpinista Carlos Soria, que este ano alcanzou a cima do Annapurna.
Entradas relacionadas
