Down Galicia crea un apartado web con distintos recursos para traballar e desfrutar sen saír da casa
Un total de 31 persoas pertencentes ás entidades Down en Galicia aprobou o exame das oposicións convocadas pola Administración central do Estado para persoas con discapacidade intelectual, o que supón un 77,5% de aprobados en relación ó total de presentados (40). Esta proba, que se celebrou o pasado 11 de xuño na Facultade de Ciencias da Información da Universidade Complutense de Madrid, correspondía á primeira fase do proceso selectivo para ingreso como persoal laboral fixo coa categoría de Axudante de Xestión e Servizos Comúns (ordenanza). Hai que lembrar que esta convocatoria corresponde ó Ministerio de Facenda e Administracións Públicas, e no ámbito autonómico galego contempla 6 prazas nas catro provincias galegas. As persoas que superaron este primeiro exame, que corresponden ás entidades Down en Ferrol, A Coruña, Santiago de Compostela, Lugo, Ourense, Pontevedra e Vigo, quedan á espera de que se publiquen as listas definitivas tras a valoración de méritos. Emprego Público en Galicia Ademais desta convocatoria estatal, en marzo de 2015, a Xunta de Galicia contemplou por primeira vez na súa historia na oferta de emprego público a reserva de prazas para persoas con discapacidade intelectual e a convocatoria dunhas oposicións dirixidas a este colectivo, neste caso para cubrir 6 prazas de ordenanza. Ademais, estas 6 prazas únense a outras 33 que se inclúen na Oferta de Emprego Público para este ano 2016. Destas 33 prazas, 17 son para celadores do Sergas, 12 para funcionarios subalternos e 4 para o corpo auxiliar (grupo C2).
Entradas relacionadas
