Traballas en BBVA? Se a túa resposta é “Si”, podes poñer o teu grao de area para que persoas coa síndrome de Down de toda a comunidade poidan desenvolver o seu propio proxecto de vida autónoma e independente.
Down Galicia participa na quinta edición da convocatoria “Territorios Solidarios” de BBVA co proxecto “Vida independente de persoas con síndrome de Down”. Esta iniciativa ofrece ós traballadores e traballadoras en activo de BBVA en España a oportunidade de participar de forma activa na selección e concesión de axudas a proxectos sociais desenvolvidos por entidades sen ánimo de lucro.
Con este proxecto, que beneficiará a 191 persoas, a Federación Down Galicia quere favorecer o desenvolvemento de recursos e habilidades que contribúan ó desenvolvemento dunha vida autónoma e independente de homes e mulleres coa síndrome de Down e/ou discapacidade intelectual en Galicia. Traballarase a auto xestión no propio fogar e na comunidade e garantiranse os apoios necesarios mediante programas de autonomía, programas de vivendas de apoio á emancipación e programas de apoio á vida independente.
Así, desde o 12 ata o 30 de setembro, todos os empregados e empregadas prexubilados de BBVA en España poderán votar o noso proxecto na web da convocatoria.
Aínda que a votación non está aberta ao público en xeral, se es cliente de BBVA tamén nos podes axudar: difunde entre os teus amigos e coñecidos esta iniciativa e informa na túa oficina habitual para animar ós seus traballadores e traballadoras a votar polo noso proxecto.
Grazas!!