O programa de Atención temperá de Down Galicia, unha das metas do 3º Solidarios non stop de BBVA AM
Esta mañá, 32 persoas usuarias de entidades Down en Galicia recibiron no Edificio administrativo de San Caetano, sede da Xunta de Galicia, un diploma acreditativo da súa participación no proxecto “Formación e preparación de oposicións autonómicas e estatais para persoas coa síndrome de Down e/ou discapacidade intelectual” da Federación Down Galicia.
O acto, presidido polo Conselleiro de Política Social, José Manuel Rey Varela, e pola Directora Xeral de Familia, Infancia e Dinamización Demográfica,
María Amparo González Méndez, contou coa participación de persoas usuarias de varias entidades do ámbito social, participantes das distintas accións formativas financiadas pola propia Consellería a través das subvencións destinadas para o desenvolvemento de proxectos de asesoramento e formación de persoas con discapacidade na Comunidade Autónoma de Galicia, cofinanciadas polo Fondo Social Europeo no marco do programa operativo FSE Galicia 2014-2020.
O proxecto de preparación de oposicións autonómicas e estatais levado a cabo polas entidades Down e a Federación, e na que participaron 58 persoas coa síndrome de Down e/ou discapacidade intelectual de toda Galicia, tivo como principal obxectivo garantir aos participantes a adquisición e mellora das competencias necesarias para presentarse a un proceso de oposición e superalo con éxito. Esta acción formativa contou co financiamento da Consellería de Política Social e do Fondo Social Europeo, que achegaron un total de 59.900,88€ para a súa realización.
A inserción laboral das persoas con discapacidade intelectual e síndrome de Down é un proceso complexo. Este proxecto dálle aos seus participantes a oportunidade de adquirir coñecementos e ferramentas que lles permitan ter a posibilidade de dispoñer dun traballo fixo, mellorando así a súa calidade de vida.
Desde Down Galicia non queremos deixar de destacar que este tipo de convocatorias son un gran avance, pois permiten financiar proxectos formativos orientados á adquisición de formación prelaboral e de habilidades para o desenvolvemento de actividades na vida cotiá, permitindo deste xeito unha preparación para unha futura inserción sociolaboral.
Entradas relacionadas
