DownGalicia
DownGalicia
  • Galego
    • Español
    • English
BUSCAR
  • Down Galicia
  • Entidades
  • Áreas
  • Síndrome de Down
  • Colabora
  • Contacto
  • Down Galicia
  • Entidades
  • Áreas
  • Síndrome de Down
  • Colabora
  • Contacto

Máis dun centenar de persoas de entidades Down xa traballan na empresa ordinaria

  • ATempera

  • Envellecemento

  • Emprego

  • Educacion

  • Autonomia

» Máis dun centenar de persoas de entidades Down xa traballan na empresa ordinaria

Cento oito mozos e mozas coa síndrome de Down e/ou discapacidade intelectual, usuarios e usuarias de entidades Down en Galicia, atópanse traballando nestes momentos en empresas ordinarias da súa contorna.

Por áreas de influencia desde as entidades Down en Galicia, na zona de Vigo son 49 as persoas que contan cun mínimo dun contrato nestes intres, 13 en Pontevedra, 11 en A Coruña, 10 en Compostela, 9 en Ferrol, 8 en Ourense e 8 en Lugo.

Destaca principalmente o número de contratados neste momento de xeito indefinido, xa que 59 persoas coa síndrome de Down e/ou discapacidade intelectual do servizo de emprego das entidades Down en Galicia gozan da tranquilidade que outorga este tipo de contrato grazas ó seu bo facer nos seus postos de traballo.

Todos eles son participantes do servizo de Emprego con Apoio que as entidades Down teñen en funcionamento dende xuño de 2002. As persoas inscritas neste servizo, que suman un total de 193 entre todas as entidades Down, reciben unha formación e unha preparación laboral que lles permite desempeñar os postos de traballo máis axeitados segundo as capacidades de cada quen.

Grazas a estas contratacións, os traballadores e traballadoras están a adquirir experiencia en postos tan variados como auxiliar de comedor, axudante de camareiro, expendedor de gasolina, masaxista ou operario dunha empresa de automoción, entre moitos outros.

No pasado exercicio 2016, foron 127 as persoas que contaron con unha oportunidade laboral asinando un total de 161 contratos, o que pon de manifesto a inestabilidade e a temporalidade nas contratacións dentro deste colectivo.

Máis alá do aspecto económico e da liberdade que outorga ter unha estabilidade laboral, a consecución dun posto de traballo contribúe na mellora da calidade de vida das persoas usuarias de modo moi positivo, posto que adquiren un incremento nas cotas de responsabilidade, de autoestima, de actividade e de autonomía, factores fundamentais para poder levar unha vida “normalizada”. A nivel de habilidades, obsérvase un aumento de iniciativa, de responsabilidade e de ilusión que afecta a todos os ámbitos da súa vida, mellorando considerablemente a súa sociabilidade.

 

A metodoloxía Emprego con Apoio

Desde o ano 2002, as entidades Down en Galicia desenvolven o servizo de Emprego con Apoio, deseñado para atender especificamente as necesidades e barreiras que as persoas coa síndrome de Down e/ou discapacidade intelectual atopan á hora de intentar acceder ao mercado laboral ordinario.

Este modelo baséase nun sistema estruturado de apoios e acompañamentos para guiar ás persoas demandantes de emprego a través de todo o proceso de inserción socio-laboral e asegurar a súa correcta incorporación ao posto de traballo. Deste xeito, as persoas que se incorporan a un posto, contan co apoio dun preparador ou preparadora laboral que se encarga de levar a cabo unha formación específica no propio posto de traballo, para que o traballador ou traballadora poida ir adquirindo progresivamente unha adecuada execución das tarefas. O apoio tamén se centra na potenciación da interacción social cos seus compañeiros e compañeiras de traballo e na mediación na relación con eles para que se desenvolva de xeito positivo e natural.

Paralelamente, as entidades Down realizan un labor de prospección laboral co fin de dar a coñecer esta iniciativa entre o tecido empresarial e acadar a súa colaboración por medio de contratos e/ou prácticas formativas. Neste sentido, a participación e a cada vez maior presenza das persoas con discapacidade intelectual nas empresas ordinarias contribúe de xeito eficaz a desterrar os tópicos que tradicionalmente se lles atribúen a este colectivo, resultando un xeito sumamente eficaz de inclusión social.

Entradas relacionadas
A Xunta subvenciona a contratación de 10 persoas para postos técnicos da Federación durante o último período
23 Febreiro, 2021
Down Vigo participa no Campus Oportunidades para a Inclusión 2021 de Down España
5 Febreiro, 2021
Política Social financia diversos programas de Down Galicia a través da asignación do IRPF
2 Febreiro, 2021
A Deputación de Pontevedra colabora un ano máis coa inclusión laboral das persoas coa síndrome de Down
28 Xaneiro, 2021
CERMI Galicia e a Xunta colaborarán para poñer fin á discriminación das mulleres con discapacidade
27 Xaneiro, 2021
Down Galicia reivindica o dereito a unha educación inclusiva no Día Internacional da Educación
22 Xaneiro, 2021
REDES SOCIAIS
MÁIS NOVAS
  • Down España impulsa o programa de acompañamento familiar “Familias Escucha”
  • Down España esixe que non se abandone ás persoas coa síndrome de Down maiores de 40 anos
  • A Xunta subvenciona a contratación de 10 persoas para postos técnicos da Federación durante o último período
TRABALLANDO NAS EMPRESAS
PUNTO VIRTUAL DE EDUCACIÓN
Educación
ORIENTACIÓN LABORAL
Búsqueda de empleo
PUBLICACIÓNS
Publicaciones
REVISTA DOWN GALICIA
Revista
SUBSCRÍBETE Á REVISTA

Subscríbete

VIDEOS
Multimedia
ORIENTACONSELLO
orientaconsello
ENVELLECEMENTO ACTIVO
Envellecimiento Activo
20 ANIVERSARIO
20 Aniversario
TRANSPARENCIA
Fondos Públicos
FINANCIADORES
Colaboradores
IDENTIDADE CORPORATIVA
LOGO
MAPA WEB
  • Down Galicia
  • Doar
  • Contacto
  • Punto virtual de educación
  • Transparencia
  • Áreas
    
  • Entidades
  • Novas
  • Publicacións
  • Síndrome de Down
  • Aviso Legal
  • Política de Privacidade
CERTIFICADOS DE CALIDADE
Calidad Aenor
Calidad Aenor
       
lectura Cermi EAPN Rede Técnicos de Emprego de Galicia lectura facil
Down España
Xunta de Galicia Servicio Galego de Emprego Público Este web pertence ao anel solidario voluntariadogalego.org Xerontoloxía
Down Galicia © 2018 Realizado por Versal Comunicación / Doblespacio.
Built with Accessibility in mind, with WCAG 2.0 AA compliant

Aviso Legal
Política de Privacidade