Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
Un total de 57 persoas pertencentes ás entidades Down en Galicia aprobaron o exame das oposicións convocadas pola Consellería de Facenda da Xunta de Galicia para persoas con discapacidade intelectual, o que supón un 80,3% de aprobados en relación ó total de presentados (71). Esta proba, que se celebrou o pasado 8 de abril no Palacio de Congresos de Santiago de Compostela, correspondía á primeira fase do proceso selectivo para o ingreso na categoría 003 (ordenanzas e outras) do grupo V de persoal laboral fixo da administración autonómica.
Esta convocatoria corresponde á anunciada o pasado ano 2015 pola Consellería de Facenda da Xunta de Galicia, que contempla 6 prazas para todo o territorio galego.
As persoas que superaron este primeiro exame, e que pertencen ás entidades Down en Ferrol, A Coruña, Santiago de Compostela, Lugo, Ourense, Pontevedra e Vigo, quedan á espera de que se publiquen as listas definitivas tras a valoración de méritos.
Por outra parte, 32 das 57 persoas aprobadas xa teñen acreditado un nivel de galego equivalente ou superior ao Celga 2 e non terán que presentarse á segunda proba de certificación do idioma necesaria para poder optar ás 6 prazas ofertadas.
Emprego Público en Galicia
Ademais desta convocatoria estatal, no ano 2016 a Xunta de Galicia contemplou por segunda vez na súa historia na oferta de emprego público a reserva de prazas para persoas con discapacidade intelectual e a convocatoria dunhas oposicións dirixidas a este colectivo. Neste caso para cubrir 33 prazas, das que 17 son para celadores do Sergas, 12 para funcionarios subalternos e 4 para o corpo auxiliar (grupo C2).
Entradas relacionadas
