O Presidente da Deputación de A Coruña visita a sede de Down Compostela para coñecer as principais demandas da Fundación
Que terá o rei Artur que tanto nos atrae? Cada certo tempo estréase ou publícase algo relacionado co monarca inglés que pretende dar unha visión definitiva sobre o personaxe e os acontecementos que lle rodean. O Grupo de Teatro Down Compostela quedouse cativado pola lenda e o vindeiro sábado, día 17, estrea no Salón Teatro de Santiago (20.00 horas) a súa novena obra: “Arturo, Arthur, Artur”.
Con esta representación “non pretendemos lanzar teoría algunha sobre o mito do rei Arturo, e todo o que lle rodeaba”, indica o director, Lucas Herrador. “Simplemente queremos mostrar nosa particular visión da historia, nun ton xocoso”, engade.
Unha vintena de actores e actrices coa síndrome de Down e discapacidade intelectual volverán a subirse ao escenario do Salón Teatro, cedido por Agadic (Axencia Galega de Industrias Culturais), para mostrar os seus dotes interpretativos. A entrada será gratuíta, previa retirada da correspondente entrada a partir das 18.00 horas no despacho de billetes.
Na presentación deste novo proxecto co Grupo de Teatro Down Compostela, Lucas Herrador pídenos que imaxinemos “un país no que o seu máximo dirixente é unha persoa honrada ata o extremo, que se rodea dun equipo de goberno onde todos mandan por igual, unha mesa redonda na que importa pouco o ben que te leves co xefe, só interesan os coñecementos e a honestidade para ocupar o cargo. Non nos iriamos de inmediato a ese país para ser dirixidos por tal gobernante e ter paz, seguridade, liberdade e futuro?”.
Ademais de aos actores e actrices, Herrador quere destacar o papel dalgunhas das profesionais e voluntarias de Down Compostela que colaboran co grupo.
Down Compostela tamén contou este ano coa colaboración do pintor Rafael Romero Masiá, quen deseñou o cartel da obra.
“Arturo, Arthur, Artur”, é a novena obra que representa o Grupo de Teatro Down Compostela, despois da posta en escena de “Búscame a ese tipo” (Salón Teatro, 2016), “Solo ante la Peligros” (Salón Teatro, 2015), “Las pruebas de Hércules” (Salón Teatro e Casa de Cultura de Milladoiro, 2014), “Bodas de Sangre” (Salón Teatro e Casa de Cultura de Milladoiro, 2013), “Fuenteovejuna” (Salón Teatro, 2012), “Romeo y Julieta” (Sala Nasa, 2011), “Esopo y sus fábulas” (Sala Nasa, 2010) e “Alicia en el país de las maravillas” (Auditorio de Galicia, 2009).
Os asistentes á gala de entrega dos Premios Down Compostela, o pasado 21 de marzo no Hostal dos Reis Católicos, xa puideron gozar en primicia dun adianto da obra.
O despacho de billetes do Salón Teatro abrirá o día da función ás 18.00 horas para que todos aqueles que desexen ver a obra poidan gozar dun espectáculo no que os mozos e mozas de Down Compostela levan meses traballando.
REPARTO (Por orde de intervención)
Paula Fernández …………………………………….. MERLÍN
Elena Zas……………………………………………….. DAMA DO LAGO
Kevin Suárez…………………………………………… TÁMESIS
Yone Zas………………………………………………… ROCA SAGRADA
David Burés…………………………………………….. ARTUR
Marta Hermida………………………………………… MORGANA
Óscar Carril…………………………………………….. CHELSEA
Álvaro Díez……………………………………………… LIVERPOOL
Daniel Martínez……………………………………….. ARSENAL
Iván Allende……………………………………………. WEST HAM
Elías Ledo………………………………………………. TOTTENHAM
Carmiña Romero……………………………………… NERA
Jesús Rey………………………………………………. EVERTON
Raquel Suárez………………………………………… SUNDERLAND
Jacobo Dopazo……………………………………….. LANCELOT
Marta López……………………………………………. GINEBRA
Daniel Pombo………………………………………….. PERCIBAL
Daniel López…………………………………………… MORDRER
EQUIPO TÉCNICO
Cartel…………………………………………….. Rafael Romero Masiá
Maquillaxe………………………………………. Equipo Down Compostela
Perruquería…………………………………….. Olalla Buján e Rebeca Esmorís
Vestiario…………………………………………. Josefa Cacharrón e Blanca Villar
Música…………………………………………… Samuel Quelle.
Decorado……………………………………….. Rebeca Esmorís, Jessica Rivas e Ana Pais
Voz e dicción………………………………….. María Gª Quintas
Produción……………………………………….. Blanca Villar
GUIÓN E DIRECCIÓN
Lucas Herrador
Entradas relacionadas
