Distrubuciones Froiz contrata a dúas persoas da bolsa de emprego de Xuntos para a campaña de Nadal
A Consellería de Política Social da Xunta de Galicia, a través da Dirección Xeral de Xuventude, Participación e Voluntariado, afianza o seu compromiso coa inserción laboral de persoas coa síndrome de Down e/ou discapacidade intelectual na nosa comunidade autónoma cunha achega de 1.656,13€ ó proxecto “Voluntariado e adestramento en habilidades complementarias ó posto de traballo para persoas coa síndrome de Down” da Federación Down Galicia.
Este proxecto é unha iniciativa común de Down Galicia e dos seus centros de traballo. Deste xeito, a execución das actividades foi levada a cabo polos centros das cidades de Santiago de Compostela, Pontevedra e Vigo e a coordinación no desenvolvemento das mesmas correu a cargo da Federación e os 5 voluntarios participantes no proxecto. Cada centro de traballo contou con 1 persoa voluntaria, agás o centro de Vigo que dispuxo de 3 persoas.
Un total de 121 persoas usuarias, participantes todas elas no programa de Emprego con Apoio de Down Galicia, puidéronse beneficiar das actividades realizadas durante este proxecto. Aínda que con todos eles os voluntarios e voluntarias traballaron de forma puntual, o traballo diario e intensivo do equipo de voluntarios centrouse na atención de 38 destes 121 destinatarios (11 en Santiago, 17 en Pontevedra e 10 en Vigo).
O principal obxectivo desta iniciativa é dispoñer dun equipo de voluntariado en rede eficaz e eficiente que contribúa ao adestramento en habilidades complementarias ó posto de traballo para persoas coa síndrome de Down e/ou discapacidade intelectual de Galicia, contribuíndo a garantir o éxito da inclusión laboral da persoa usuaria.
Algunhas das actividades levadas a cabo por este equipo de persoas voluntarias foron o deseño do plan de adestramento de habilidades complementarias ó posto de traballo, o adestramento nestas habilidades, a intervención con familias e a avaliación de cada plan individual.
Entradas relacionadas
