Dúas mozas do Movemento Down Galicia poñen voz a ‘Valentina’, a protagonista da película de animación nomeada aos Premios Goya
A concelleira de Mocidade e Deportes do Concello de Santiago de Compostela, Noa Morales, e o presidente da Federación Galega de Squash, Carlos Noya, visitaron esta mañá as instalacións da Fundación Down Compostela para ver o funcionamento da campaña Coñece o Squash.
Dirixida a nenos e nenas de centros educativos e formativos da cidade, esta campaña ten por obxectivo fomentar a práctica deste deporte, descoñecido para unha ampla maioría, a través de divertidas actividades.
Esta semana, Coñece o Squash chegou a Down Compostela, onde se colocou unha pista inchable na que moitos dos seus usuarios e usuarias puideron gozar coa práctica deste deporte acompañados por monitores especializados da Federación Galega de Squash.
A concelleira aproveitou a súa visita para percorrer as instalacións da Fundación e coñecer de primeira man os equipos de traballo e as actividades que a organización leva a cabo para fomentar a autonomía das persoas coa síndrome de Down e/ou discapacidade intelectual.
Gracias a esta iniciativa, levada a cabo pola Federación Galega de Squash e o Concello, as persoas participantes tamén poderán disfrutar de adestramentos gratuítos nas instalacións de squash do Milladoiro.
Entradas relacionadas
