Down Lugo inicia as actividades anuais do seu programa de Vida Independente
A Asociación DOWN LUGO convoca o XVI Concurso Autonómico de Postais de Nadal dirixido a persoas coa síndrome de Down. O obxectivo deste concurso é fomenta-la participación das persoas coa síndrome de Down en actividades culturais e espertar o seu interese polo mundo da pintura.
As bases serán as seguintes:
- Poderán participar persoas coa síndrome de Down da Comunidade Autónoma de Galicia de calquera idade.
- O tema obrigatorio será “O Nadal”.
- Estilo libre e técnica de debuxo realizada con calquera procedemento a unha ou varias cores. Farase constar ó dorso o nome, a idade, o número de teléfono e o enderezo do autor/a ou do centro que o remite.
- Formato: os traballos presentaranse sobre cartolina tamaño Din A-4.
- Haberá tres premios para os autores/as das postais gañadoras consistentes en:
– 1º premio: Tarxeta regalo Decathlon de 100 €.
– 2º premio: Tarxeta regalo Decathlon de 75 €.
– 3º premio: Tarxeta regalo Decathlon de 50 €.
Todas as persoas que concorran recibirán un diploma que acredite a súa participación neste certame.
- O Xurado estará formado pola Presidenta da Asociación, un representante do Concello, outro da Deputación Provincial de Lugo e unha persoa relacionada co mundo da cultura lucense. A súa decisión será inapelable.
- O prazo de entrega dos traballos para optar ó premio rematará o día 15 de decembro de 2017 sendo este o último día de admisión das obras.
Os traballos enviaranse por correo postal (Asociación DOWN LUGO – R/ Miguel de Cervantes 34, baixo, 27003 LUGO) ou entregaranse no enderezo sinalado de 10 a 14 h. e de 17 a 20 h.
- Os traballos serán expostos posteriormente nos locais da Asociación.
- Cos traballos premiados poderanse elaborar tarxetas de Felicitación do Nadal do ano 2018, quedando estes en propiedade da Asociación DOWN LUGO.
- A participación neste concurso implica a aceptación destas Bases.
Por outra banda, todo aquel que o desexe, poderá adquirir postais de Down Lugo para felicitar este Nadal. Por un prezo moi axustado poderá dispoñer dunhas felicitacións de Nadal de excelente calidade e co valor engadido de contribuír ó desenvolvemento de programas para persoas con discapacidade.
Entradas relacionadas
