A Consellería de Política Social colabora con varios programas formativos da Federación
A Consellería de Economía, Emprego e Industria, a través da Secretaría Xeral de Emprego, financiou con 229.671€ a contratación de 13 persoas desempregadas durante o pasado exercicio 2017 para desempeñar postos de carácter técnico na Federación Down Galicia e nos seus centros de traballo. Todas as novas incorporacións asinaron contratos a xornada parcial por un período de un ano. Mediante estas contratacións deuse cobertura a diferentes áreas e programas que conforman o Servizo de Promoción da Autonomía Persoal para persoas coa síndrome de Down e discapacidade intelectual (SEPAP).
Os programas nos que traballaron os técnicos contratados foron “Comunicación e Inclusión Educativa, “Participación Social e Vida Autónoma e Independente”, “Formación para o Emprego”, “Emprego con Apoio e “Coordinación, administración e xestión do SEPAP”. Deste xeito, cóbrese todo un itinerario de apoio a persoas coa síndrome de Down, desde o proceso de educación e escolarización ata o de orientación e inserción laboral, pasando pola promoción da súa autonomía e habilidades para manexarse na súa comunidade. Ademais, cóbrense tamén varios postos en áreas relativas ao desenvolvemento administrativo das entidades.
Estas contratacións contribuíron a dar cobertura e apoio ás persoas coa síndrome de Down e outras discapacidades intelectuais membros da Federación Down Galicia, co obxectivo de acadar a súa plena inclusión na comunidade e mellorar a súa calidade de vida.
Entradas relacionadas
