Aberto o prazo para a solicitude de axudas do Ministerio de Educación para alumnado con necesidades específicas de apoio educativo
Eres mutualista? Agora podes apoiar o proxecto de inclusión educativa de Down Ourense, xa que é unha das entidades preseleccionadas pola Fundación Mutua Madrileña para ser beneficiaria da recadación dos concertos organizados pola Fundación durante 2017.
Serán os asegurados de Mutua Madrileña quen escollan, a través dunha votación en www.fundacionmutua.es, as catro entidades ás que irá destinada a cantidade recadada dos seus concertos familiares e clásicos, da que aínda se descoñece a contía.
Down Ourense destinará o diñeiro conseguido ao seu proxecto de inclusión educativa do que, a través de actividades de reforzo, beneficiaranse 20 nenos e nenas coa síndrome de Down e outras discapacidades intelectuais de entre 5 e 19 anos e 16 centros escolares ordinarios.
As entidades, entre as que se dividirá o importe a partes iguais, poderán ser votadas ata o próximo 1 de febreiro, sendo finalmente seleccionadas as dúas que obteñan o maior número de votos de cada categoría.
A educación, un alicerce universal
A educación é un alicerce fundamental no desenvolvemento de calquera sociedade. As sociedades avanzadas deben estar dotadas de institucións capaces de garantir este dereito a toda a poboación, sen excluír a ningún individuo por ningunha causa.
A inclusión na escola ordinaria é a vía máis adecuada para conseguir o desenvolvemento formativo, psicolóxico e social das persoas coa síndrome de Down e/ou discapacidade intelectual. Sen embrago, a inclusión educativa non pode seguir un modelo único, senón que debe ser adaptado ás necesidades de cada persoa. Así mesmo, non é un fin en si mesma, senón un medio para conseguir o pleno desenvolvemento social e persoal da persoa.
Entradas relacionadas
