Down Galicia contrata a tres persoas desempregadas a través do Programa de Garantía Xuvenil
Cunha achega de 10.000 euros, a entidade bancaria BBVA apoiou durante o pasado ano 2017 o proxecto “Vida independente para persoas coa síndrome de Down” de Down Galicia. Esta axuda enmárcase na V edición de Territorios Solidarios que BBVA convocou a finais de 2016 coa finalidade de colaborar coas entidades non lucrativas a conseguir un futuro mellor para todas as persoas.
Grazas a esta colaboración, 172 persoas coa síndrome de Down e outras discapacidades intelectuais maiores de 16 anos contaron cunha serie de apoios encamiñados a capacitalas para vivir de forma autónoma e independente fóra do fogar familiar.
O obxectivo principal deste proxecto é favorecer nas persoas participantes o desenvolvemento daqueles recursos e habilidades que contribúan á súa vida autónoma, independente e auto-xestionada no propio fogar e na comunidade na que se desenvolven. Así, realizáronse actividades encamiñadas a fomentar a convivencia, a responsabilidade, a autoestima, a autodeterminación, a responsabilidade no fogar, a xestión económica e as habilidades sociais e persoais necesarias para promover a toma de decisións e a capacidade para decidir como, cando e con quen quere vivir cada persoa.
O proxecto de Vida Adulta e Independente de Down Galicia levouse a cabo nas localidades nas que a Federación ten os seus centros de traballo e que están situados nas 7 principais cidades de Galicia: Santiago de Compostela, A Coruña, Ferrol, Lugo, Ourense, Pontevedra e Vigo. Pero tamén nas localidades nas que viven as persoas destinatarias deste proxecto ou nas que foi necesario realizar tarefas de adestramento en autonomía, estendéndose o radio de actuación a máis de 40 municipios galegos.
Entradas relacionadas
