Anxo, usuario de Down Vigo, novo operario de produción de Nueva Pescanova
Down Vigo e a Escola Universitaria CEU de Maxisterio inauguraron esta semana o calendario de exames correspondente ao primeiro curso do Programa ALIDA, un proxecto de colaboración pioneiro en Galicia que ten como principal obxectivo mellorar a inclusión socio-laboral de persoas coa síndrome de Down e discapacidade intelectual grazas a unha formación superior de dous anos lectivos que inclúen un período de prácticas en empresa.
Entre as materias avaliables deste primeiro curso destacan as formacións en novas tecnoloxías aplicadas á empresa e os idiomas, dúas ferramentas moi útiles para mellorar a preparación e empregabilidade das persoas participantes no proxecto. Ademais, impártense contidos relacionados coa lectura, a escritura, as matemáticas ou as relacións sociais.
O Programa ALIDA, unha experiencia inclusiva
Ao longo do curso desenvolvéronse diversas iniciativas para fomentar a participación do alumnado do Programa ALIDA na programación diaria da Escola de Maxisterio. Así, leváronse a cabo proxectos conxuntos, tales como unha obra de teatro ou diversos talleres para fomentar a creatividade e as habilidades manipulativas. As materias son impartidas por profesores voluntarios da Escola Universitaria CEU de Maxisterio e profesionais de Down Vigo, compartindo aula e actividades co resto de estudantes.
Entradas relacionadas
