O Servizo de Orientación Laboral de Down Galicia supera o millar de accións no período 2017-2018
Desde o pasado venres e ao longo de todo o fin de semana, persoas traballadoras e amigos e amigas de BBVA realizaron o Camiño Francés en bicicleta. O diñeiro recadado coas achegas por participar nesta actividade será destinado de maneira íntegra a apoiar o labor de catro asociacións sen ánimo de lucro: ASDEGAL, Federación Síndrome de Down Castela e León, Down Galicia e Fundación Lukas.
Tras dous días e medio de intenso pedaleo, os participantes desta iniciativa foron escoltados pola Policía Local de Santiago de Compostela e Protección Civil na súa chegada á Praza do Obradoiro. Este lugar emblemático foi o escenario da entrega dos cheques ás catro asociacións. Concepción Fernández en representación do Concello de Santiago de Compostela, Fernando Ruiz, Javier Arias e José Manuel Martín en representación do Territorial Noroeste de BBVA e Pablo Palacio, en representación de BBVA Asset Management, foron as persoas encargadas de facer a entrega.
Combinando solidariedade, traballo en equipo e deporte, propuxéronse o reto de percorrer os 790 km que separan Roncesvalles de Santiago en 56 horas, sen paradas. Para completar este asombroso fito nun período tan curto de tempo, o camiño dividiuse en 30 etapas de 30 km cada unha que se completaron por substitucións levando como testemuña un bidón ciclista.
O que comezou como unha actividade de lecer entre amigos e amantes do deporte terminou sendo un proxecto solidario de gran envergadura, que nas súas dúas edicións logrou reunir a máis de 300 participantes e recadar máis de 8.000 euros. Javier Arias, empregado de BBVA e un dos promotores desta iniciativa, destacou: “Este proxecto é un pequeno soño, unha pequena tolemia, que se nos ocorreu a varios amigos andando en bicicleta. Era unha iniciativa pioneira, que nunca se tentou facer en España: un camiño de Santiago sen paradas, por equipos, e organizado por unha empresa con fins solidarios. É un orgullo pertencer a unha entidade que continuamente está a crear oportunidades nas sociedades onde está presente”.
Aquela tolemia fíxose realidade e en 2017 140 persoas pedalearon por equipos os 780 km que compoñen o camiño francés. O resultado foi todo un éxito e conseguiron recadar máis de 4.000 euros que foron destinados a proxectos solidarios. Por iso non dubidaron en volver repetir este ano a experiencia e o que era un pequeno soño cumpre xa a súa segunda edición facendo honra ao seu nome, Solidarios Non Stop.
Sobre Solidarios Non Stop
Esta segunda edición de BBVA AM Solidarios Non Stop está organizada por BBVA Asset Management, unidade do Grupo BBVA que engloba as xestoras de fondos de investimento e pensións. O propósito desta iniciativa é, un ano máis, contribuír con diferentes proxectos de catro asociacións sen ánimo de lucro. Todos eles están destinados a poñer ao alcance dos colectivos máis desfavorecidos as oportunidades desta nova era.
Nesta ocasión Down Galicia destinará esta achega ao seu proxecto de inclusión educativa do que, actualmente, benefícianse ao redor de 150 nenos e nenas coa síndrome de Down e outras discapacidades intelectuais.
Entradas relacionadas
