Down Galicia concéntrase polo triplo crime de Valga e reclama traballar desde a educación para frear a violencia machista
A Xunta de Galicia, a través da Consellería de Economía, Emprego e Industria, facilitou a finais do pasado ano a contratación na Federación Down Galicia de dúas persoas desempregadas acollidas ó programa de Garantía Xuvenil. Esta axuda estivo cofinanciada nun 91,89% polo FSE e a Iniciativa de Emprego Xuvenil, a través do Programa Operativo de Emprego Xuvenil.
A achega, que ascende aos 26.716,34€, empregouse para sufragar os custos salariais das dúas persoas contratadas e a súa cotización á Seguridade Social a xornada completa durante 7 meses.
As dúas novas traballadoras da Federación desempeñaron as súas funcións nos centros de traballo que Down Galicia ten en Santiago de Compostela e Pontevedra. As súas funcións xiraron en torno á aplicación de dúas novas aplicacións de xestión de datos que axilizan e simplifican o tratamento e a xestión dos mesmos, permitindo utilizalos cos mellores resultados, tanto dende o punto de vista do servizo ás persoas usuarias, coma dende o propio funcionamento diario da entidade.
O principal obxectivo deste proxecto foi implantar estas aplicacións para ofrecer ás persoas implicadas nos procesos de inclusión das persoas con discapacidade unha ferramenta que facilitase e garantise unha atención de calidade na prestación do Servizo de Promoción de Autonomía Persoal que se ofrece ó longo de todo ou seu ciclo vital, así como xestionar o crédito de formación dos e das profesionais. Do mesmo xeito, tamén se pretendía facilitar a xestión administrativa da Federación e dos seus centros de traballo, a través dun espazo que dese resposta ás necesidades existentes, contando cunha aplicación que xerase as consultas e informes precisos para cada actuación.
Así pois, aproveitando as novas tecnoloxías e ferramentas informáticas de última xeración, buscouse incorporar as aplicacións ao funcionamento da organización, cunha interface o máis intuitiva posible para que o persoal profesional, directivo, asociado, voluntario e colaborador poida, a través delas, realizar as tarefas laborais máis habituais dunha forma sinxela, rápida e eficaz.
Entradas relacionadas
