Mirada ao futuro e autocrítica no Encontro Nacional de Familias: “Non podemos esixir uns dereitos se estamos a renunciar a outros”
Con motivo da celebración do Día Internacional para a Erradicación da Pobreza, o presidente do Parlamento de Galicia, Miguel Santalices, xunto á Conselleira de Política Social, Fabiola García e o presidente de EAPN Galicia-Rede Galega contra a Pobreza, Antonio Hernández, inauguraron a exposición “Ninguén á marxe #ContraPobreza”.
Deputadas e deputados, responsables das outras tres plataformas do terceiro sector galego (CERMI, Plataforma de Infancia de Galicia e Coordinadora Galega de ONGD) e de organizacións de acción social e cooperación ao desenvolvemento estiveron presentes tamén esta mañá no Parlamento de Galicia.
A exposición “Ninguén á marxe” inclúe fotografías de persoas das organizacións membro de EAPN Galicia: traballadoras, voluntarias ou participantes, e pretende mostrar a deputados, deputadas e responsables políticas as demandas e propostas de loita contra a pobreza e a exclusión social, en especial as formuladas nos últimos encontros e seminarios de Participación.
Con esta exposición, quíxose dar forza ás propostas realizadas por persoas que se atopan en risco de pobreza e/ou exclusión social para fomentar a empatía e identificar que indicacións ou recomendacións se deben seguir por parte das entidades, a administración e a comunidade para favorecer a participación, a todos os niveis, das persoas en situación de vulnerabilidade.
Ao tempo que se inauguraba a exposición, organizacións de acción social e cooperación integradas en EAPN Galicia e EAPN España lanzaron a campaña #ContraPobreza en redes sociais. A campaña, impulsada dende Galicia para todas as redes EAPN autonómicas e as ONG integradas nas mesmas, tivo un enorme impacto en redes e medios grazas ao traballo rigoroso de todas as entidades.
Paralelamente difundiuse a última información sobre a pobreza e exclusión en Galicia que se presentou a través do informe “El estado de pobreza en España 2018” .
Por último, procedeuse á lectura da Declaración Institucional contra o contra o odio e a intolerancia ás persoas en pobreza ou exclusión aprobado por unanimidade no pleno do Parlamento de Galicia ante o crecemento da aporofobia e os prexuízos.
A exposición estará no vestíbulo do Parlamento de Galicia ata o próximo martes.
Entradas relacionadas
