Down Galicia e a USC asinan un convenio para promover a docencia e a investigación
Un ano máis, a Xunta de Galicia contribúe economicamente co mantemento da Federación e cos programas do servizo para a promoción da autonomía persoal que Down Galicia leva a cabo durante este ano 2018.
Este convenio nominativo, que achega á Federación catrocentos sesenta e nove mil cento oitenta euros (469.180 €), ten por obxecto promover os programas orientados especificamente a favorecer a autonomía e a inclusión socio laboral das persoas coa síndrome de Down e outras discapacidades intelectuais, atendendo á experiencia, equipo humano e medios dos que dispón Down Galicia para desenvolver a atención requirida.
O Servizo para a Promoción da Autonomía Persoal (SEPAP) da Federación da servizo a 658 persoas usuarias e ás súas familias e está organizado en diferentes áreas de atención, que comprenden todo o seu ciclo vital: atención temperá, inclusión educativa, formación e emprego, vida adulta e independente e apoio familiar, entre outras.
Down Galicia, na súa condición de Federación, presta servizos de apoio ás entidades membro que traballan na atención ás persoas usuarias e ás súas familias dende unha perspectiva global e integral, para mellorar a súa autonomía persoal, as súas condicións de vida e favorecer a súa inclusión na sociedade galega.
Entradas relacionadas
