Xuntos e o Centro de Día Salma asinan dous convenios de colaboración nos eidos do emprego e o envellecemento
FOTO: © Mónica Patxot – Pontevedra Viva
Como cada ano por estas datas, a Asociación Down Pontevedra “Xuntos” celebra a súa xa tradicional Gala Solidaria. O espectáculo, que este ano cumpre a súa edición número 22, terá lugar este venres 28 de Decembro, ás 20:30 horas, no Auditorio do Pazo da Cultura de Pontevedra. As entradas anticipadas poden adquirirse na Perfumería Tito de la Peña (C/ Oliva, 24) ou no novo local da Asociación, situado na Rúa do Gorgullón, nº 41. Durante as horas previas tamén se poderán adquirir na billeteira do propio auditorio. O prezo das mesmas é de 8 euros para os adultos e de 5 euros para os nenos e nenas menores de 12 anos, ata completar aforo.
Baixo a dirección do cantante Ángel Barry, o evento converteuse nunha das iniciativas insignia que a entidade leva a cabo para recadar fondos destinados a financiar e potenciar o seu Servizo de Promoción de Autonomía Persoal, que comprende as seguintes áreas de traballo: Atención Temperá, Inclusión Educativa, Formación e Emprego, Vida Adulta e Independente, Área Complementaria (expresión corporal, novas tecnoloxías e tempo de lecer), e Área Transversal (programa de familias e programas de sensibilización).
Un amplo cartel
Ademais dos artistas habituais, como é o caso da Orquestra Pontevedra e da estrela do Music Hall Christian, completarán o cartel o espectacular Combo Dominicano, os cantantes Edgar Repilloza, Miel, Calibre e Alexandra Carreira, o grupo La Bodega de Tom, os bailaríns Luisinho Astral & Ariadne Gomes e o espectáculo visual de Pablo Méndez Performances.
Non volo podedes perder!!
Entradas relacionadas
