Deporte e medio ambiente no comezo do verán de Down Coruña
Down Coruña, na súa loita continua pola educación inclusiva e de calidade, levou a cabo durante este final de ano diversas actuacións relacionadas coa inclusión educativa.
Por un lado, nos últimos días de novembro, a asociación organizou a xornada “Educación consciente e síndrome de Down”, unha formación para orientadores e orientadoras dos centros educativos da cidade durante a que as persoas asistentes puideron reflexionar conxuntamente sobre aspectos importantes a ter en conta no proceso de escolarización de calquera estudante e, en concreto, de aquel alumnado coa síndrome de Down ou outra discapacidade intelectual.
Este tipo de xornadas axudan a afianzar a idea do importante de respectar a individualidade de cada persoa, favorecendo a construción da súa identidade e do seu crecemento persoal e educativo.
Por outro lado, a principios do mes de decembro, a entidade recibiu na súa sede a visita de 30 estudantes do ciclo de Mediación Comunicativa do CIFP Ánxel Casal. Alí compartiron unha xornada de reflexión cos profesionais da asociación, que lles achegaron a súa experiencia profesional e lles explicaron a metodoloxía que empregan, baseada na creación de itinerarios personalizados que respecten e fomenten a identidade de cada protagonista. Ademais, tamén puideron escoitar o relato de vida de dous socios da entidade, Bea Sabio e Pedro Barreiro, que, en primeira persoa, fixéronos partícipes dos seus logros e retos persoais.
Entradas relacionadas
