Aberto o prazo de inscrición para a Xornada “Educación Inclusiva: Deseño Universal para a Aprendizaxe e boas prácticas”
Down Galicia é unha das oito entidades galegas que o pasado xoves foron galardoadas na sexta edición da iniciativa “Territorios Solidarios” de BBVA. Desta forma, o programa “Vida independente de persoas coa síndrome de Down” que a Federación e as súas entidades membro levan a cabo en toda a comunidade autónoma, conseguiu 6.000€ para o seu desenvolvemento.
Grazas a este proxecto, 178 persoas coa síndrome de Down e outras discapacidades intelectuais poderán mellorar o desenvolvemento de recursos e habilidades que lles permitan levar unha vida máis autónoma, independente e auto xestionada no propio fogar e na comunidade na que levan a cabo o seu proxecto de vida.
BBVA apoia diferentes proxectos solidarios elixidos polos seus traballadores e traballadoras en Galicia, que beneficiarán a 45.019 persoas en toda a rexión. Os empregados e empregadas do banco propuxeron un total de 60 proxectos de entidades sociais en todo o territorio, que tras ser sometidos a un proceso de selección e votación, resultaron seleccionados oito na comunidade e recibirán unha dotación de case 42.000 euros.
“Territorios Solidarios é un dos programas máis queridos polos empregados e empregadas da entidade bancaria, xa que grazas ao seu labor como padriños e madriñas permite chegar a entidades moi locais buscando que sexan máis coñecidas por todos”, destacou a directora do Territorial Noroeste de BBVA, Yolanda Martínez-Bajo.
Entradas relacionadas
