Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
Delmiro Prieto, presidente de Down Galicia, e Fabiola García Martínez, Conselleira de Política Social, asinaron esta mañá no Edificio Administrativo de San Caetano un novo convenio de colaboración entre ambas entidades.
Este convenio nominativo, que achegará á Federación catrocentos sesenta e nove mil cento oitenta euros (469.180 €), ten por obxecto contribuír ao financiamento por parte da Consellería de Política Social do mantemento de Down Galicia e das actividades que comportan os servizos que a entidade ten previsto desenvolver durante o ano 2019.
Con esta sinatura promóvense os programas orientados a favorecer a autonomía e a inclusión socio laboral das persoas coa síndrome de Down. Estes programas están englobados dentro do Servizo para a Promoción da Autonomía Persoal (SEPAP) que Down Galicia e as súas entidades membro levan a cabo. Este servizo, do que se benefician nestes momentos 681 persoas, está organizado en diferentes áreas de atención, que comprenden todo o ciclo vital das persoas usuarias: atención temperá, educación, formación e emprego, vida adulta e independente e apoio familiar, entre outras.
Down Galicia, na súa de condición de Federación, presta servizos de apoio ás entidades membros que traballan na atención ás persoas coa síndrome de Down e ás súas familias dende unha perspectiva global, integral e normalizadora, para mellorar a súa autonomía persoal, as súas condicións de vida e favorecer a inclusión social e laboral deste colectivo na sociedade galega.
Ademais do convenio asinado con Down Galicia, a Xunta rubricou outros oito convenios con outras tantas entidades sociais. Así, a Confederación Galega de Persoas con Discapacidade (Cogami) percibirá 990.000 euros; a Federación Galega de Asociacións en favor das Persoas con Discapacidade Intelectual ou do Desenvolvemento (Fademga-Plena Inclusión Galicia) percibirá 245.000 euros; a Federación de Asociacións de Familiares e enfermos mentais de Galicia (Feafes-Galicia) terá unha axuda de 620.000 euros; Autismo Galicia percibirá 160.000 euros; a Federación Galega de Asociacións de atención ás Persoas con Parálise Cerebral e/ou patoloxías afíns (Aspace-Galicia) recibirá 90.000 euros; o acordo coa Federación de Asociacións de Persoas Xordas de Galicia (Faxpg) ascenderá a 760.000 euros; e o que se asinará coa Federación de Asociacións Galegas de familiares enfermos de Alzhéimer (Fagal) acadará os 90.000 euros; e á Federación Galega de Dano Cerebral (Fegadace) destinaranse 220.000 euros.
Entradas relacionadas
