Down Ourense presenta a nova edición do seu calendario solidario
O pasado 2 de abril, profesorado do CEIP Quiroga (Lugo), convidaron a profesionais de Down Ourense ao centro educativo para falar sobre Deseño Universal da Aprendizaxe (DUA), unha estratexia moi útil para dar resposta á diversidade que os profesores e profesoras atopan diariamente nas súas aulas.
Varias profesoras deste centro educativo formuláronse hai tempo a necesidade dun cambio de enfoque e apostaron por formarse en metodoloxías inclusivas. E é que unha educación inclusiva é posible se se acompaña de paixón, creatividade, ilusión e ganas dun cambio para crear unha escola na que todos os alumnos e alumnas poidan aprender xuntas.
Para acompañalas neste camiño, decidiron contar coa participación da profesionais da área de educación de Down Ourense, que compartiron con elas novas metodoloxías e boas prácticas en inclusión educativa.
A través de varias dinámicas, docentes e profesionais chegaron á conclusión de que a discapacidade está no contexto e que se deben crear aulas e centros accesibles onde alumnas e alumnos con características diferentes poidan aprender xuntos mediante estruturas cooperativas. Para iso deben ofrecerse outras formas de representar a información (visual, lectura fácil, audio, funcións executivas,…) e de expresala partindo dos intereses do alumnado, sendo o libro de texto un recurso máis e non o centro do proceso de aprendizaxe.
Entradas relacionadas
