As persoas coa síndrome de Down reclaman os seus dereitos con motivo do Día Mundial desta alteración cromosómica
O Pazo de Quián (Sergude – Boqueixón) foi o escenario escollido polo Consello Regulador da Denominación de Orixe Protexida Queixo Tetilla para entregar o pasado venres os galardóns da primeira edición do seu concurso “Cheo de Vida”.
Grazas ao seu proxecto de Atención Temperá, a Federación Down Galicia foi unha das entidades seleccionadas para recibir un dos dous premios valorados en 3.000€ que o Consello Regulador outorgou co obxectivo de colaborar e poñer en marcha proxectos sociais, apoiando, acompañando e premiando aqueles baseados na colaboración, o beneficio social e a axuda a grupos desfavorecidos.
O programa de Atención Temperá da Federación ten por obxectivo ofrecer aos nenos e nenas coa síndrome de Down e ás súas familias un conxunto de accións que faciliten a súa adecuada maduración en todos os ámbitos e que lles permitan alcanzar o máximo nivel de desenvolvemento persoal e de inclusión. Deste xeito, este programa persegue, fundamentalmente, enriquecer o medio no que se desenvolve a poboación infantil e facilitar o axuste da familia proporcionándolle os apoios necesarios para educar á súa filla ou fillo, posibilitando a súa integración no medio familiar, escolar e social, así como a súa autonomía persoal.
Nesta edición tamén se recoñeceu a iniciativa “Con queixo crécese mellor” da Fundación Amigos de Galicia, baseada na necesidade de incorporar este lácteo no día a día da poboación máis nova, co fin de cubrir así parte das súas necesidades básicas de alimentación.
Entradas relacionadas
