“As persoas con discapacidade intelectual teñen as mesmas necesidades de orientación académica e profesional que o resto”
O pasado mes de marzo , e tras un completo proceso de selección, a empresa Grupo Zena Alsea decidiu contratar a Víctor Vales, un dos mozos que forman parte do programa de emprego de Down Coruña, como auxiliar de tenda en Domino’s Pizza Arteixo.
Tras varias semanas no seu novo posto de traballo, Víctor encaixou perfectamente no equipo e móstrase moi feliz e cómodo cos seus compañeiros e compañeiras, que conseguiron que se sinta un máis e interiorizara perfectamente a súa rutina de traballo.
O proceso de adaptación está a ser moi rápido e con resultados moi positivos. Así, Víctor leva a cabo tarefas moi variadas como atender aos clientes na xestión dos pedidos, cobrar e servir, recoller mesas ou limpar a sala do restaurante, entre outras.
Demandas no Día dos Traballadores
Con motivo da conmemoración do Día dos Traballadores, varias persoas pertencentes ao programa de emprego de Down Coruña participaron nunha mesa redonda onde mostraron as súas preocupacións e as súas demandas no ámbito laboral.
Así, estes mozos e mozas quixeron reivindicar o seu dereito ao traballo e demandan “as mesmas oportunidades que calquera, xa que cada persoa debe demostrar o que vale por si mesma, sen que os demais xulguen as súas capacidades”.
Entradas relacionadas
