Graduada a primeira promoción do proxecto de formación inclusiva ALIDA de Down Vigo e a Escola de Maxisterio
A quinta edición do Encontro Nacional de Mozos e Mozas, organizado por Down España e Down Coruña, abre hoxe o seu prazo de inscrición. Trátase dun evento único en España, que xunta nun emprazamento diferente cada ano a máis de 150 persoas (entre profesionais, voluntari@s, familiares e soci@s) pertencentes ás entidades presentes na Rede Nacional de Vida Independente de Down España.
Este 5º Encontro Nacional de Mozos e Mozas de Down España terá lugar do 21 ó 23 de xuño de 2019 na cidade de A Coruña. Serán tres días para que persoas con e sen síndrome de Down compartan experiencias e amplíen os seus coñecementos nunha contorna plenamente inclusiva.
Os obxectivos que persegue este Encontro son:
- Proporcionar un espazo de encontro para mozos e mozas de toda España.
- Compartir experiencias e coñecementos relacionados cos diferentes proxectos de Vida Independente.
- Establecer espazos de debate tratando temas sobre a vida independente.
- Que as persoas participantes coñezan a cidade nunha das súas semanas grandes.
- Que tanto os visitantes como os propios habitantes da cidade coñezan a realidade do colectivo de persoas coa síndrome de Down e outras discapacidades intelectuais.
Deste xeito, búscase impulsar o debate, o diálogo e o intercambio de información e experiencias entre as persoas participantes nun contexto totalmente inclusivo de convivencia. Para logralo, deseñouse un programa que contempla desde actividades culturais ao aire libre e visitas turísticas, ata mesas redondas e accións formativas.
Consulta aquí o programa do Encontro
O prazo de inscrición remata o vindeiro venres 31 de maio de 2019 ou no momento no que se esgoten as prazas ofertadas (o sistema de rexistro rexerase por rigorosa orde de inscrición).
Accede á inscrición a través deste enlace.
Entradas relacionadas
