Arrinca a conta atrás para a terceira edición do proxecto ‘Solidarios non stop’ de BBVA Asset Management. Os días 28, 29 e 30 de xuño terá lugar este reto deportivo anual que, a través do Camiño de Santiago, apóiase economicamente a entidades non lucrativas. O evento, aberto a toda a sociedade, pecha a súa inscrición o sábado 1 de xuño.
Durante a fin de semana, os e as participantes nesta iniciativa percorrerán por substitucións o camiño ata Compostela en bicicleta desde Madrid. Uns 750 quilómetros, divididos en 28 etapas de entre 20 e 30km cada unha, unirán a capital galega coa estatal.
O diñeiro recadado coas inscricións neste reto, que teñen un custo de 30€ por participante, irá destinado de maneira íntegra a apoiar o labor de Down Galicia, ASDEGAL, Down Castilla y León e Fundación Lukas.
Nesta ocasión, a achega a Down Galicia irá destinada ao seu proxecto de atención temperá, que favorece o desenvolvemento motor, cognitivo, social e da linguaxe nos bebés coa síndrome de Down e discapacidade intelectual nos seus primeiros anos de vida.
O prazo para formar parte da carreira termina o sábado 1 de xuño. Para apuntarse só hai que enviar os datos persoais a amsolidarios.es@bbva.com e facer o ingreso de inscrición na conta ES84 0182 0633 6402 0163 4936, indicando no concepto “DNI + Nomee do participante”. A organización regala aos participantes inscritos unha camisola, un bidón e o dorsal.
Non podes facer o Camiño de Santiago, pero queres achegar o teu granito de area? Non pasa nada! Podes facer un ingreso na mesma conta indicando no concepto “ Pedalada Cero”.
Se queres máis información sobre esta nova edición de ‘Solidarios Non Stop’, pica nesta ligazón.