Os Campionatos “Baristas Down” álzanse cun dos premios da revista La Alacena Roja
O grupo de teatro Down Compostela estreou o pasado venres, 7 de xuño, a súa obra ‘Todos os camiños levan a Santiago’, escrita e dirixida por Lucas Herrador. Un total de 19 mozos e mozas coa síndrome de Down e discapacidade intelectual representaron este espectáculo nun Salón Teatro cheo ata rebentar.
Na obra, na que non faltan nin o humor, nin a maxia, nin a boa música, gozamos coas aventuras dun trío de peregrinos que se perdeu e atópase ao longo do seu roteiro cun variado grupo de personaxes.
O seu director explica que a súa intención era representar sobre o escenario as diferentes motivacións que teñen os centos de miles de peregrinos que visitan a tumba do Apóstolo cada ano. Os camiñantes chegan a Santiago “cun mal disimulado orgullo pintando na cara, a recompensa a tanto esforzo está a poucos pasos”, sinala Lucas Herrador. “Pensando na motivación que tiveron persoas tan diversas para realizar unha actividade destas características, chego á conclusión de que as razóns son tantas como as persoas que percorren o Camiño de Santiago”, asegura.
“Nun ton xocoso”, Herrador tentou “dar un punto de vista sobre estas causas, que se repiten desde hai séculos, facendo que peregrinos de todo o mundo acudan ata a tumba do Apóstolo Santiago”.
‘Todos vos camiños levan a Santiago’ é a undécima obra que representa o Grupo de Teatro Down Compostela, despois da posta en escena de ‘La mansión de José Cruz’ (2018); ‘Arturo, Arthur, Artur’ (Salón Teatro, 2017) – Premio do Público na Mostra de Teatro de Rianxo 2017– , ‘Búscame a ese tipo’ (Salón Teatro, 2016), ‘Solo ante la Peligros’ (Salón Teatro, 2015), ‘Las pruebas de Hércules’ (Salón Teatro e Casa de Cultura de Milladoiro, 2014), ‘Bodas de sangre’ (Salón Teatro e Casa de Cultura de Milladoiro, 2013), ‘Fuenteovejuna’ (Salón Teatro, 2012), ‘Romeo y Julieta’ (Sala Nasa, 2011), ‘Esopo y sus fábulas’ (Sala Nasa, 2010) e ‘Alicia en el país de las maravillas’ (Auditorio de Galicia, 2009).
Entradas relacionadas
