Xunta, FEGAMP e Terceiro Sector asinaron a nova Axenda Social Única de Galicia
Que facer se se sofre unha situación onde se vulneran os teus dereitos ou os dun familiar? A aplicación para móbiles e tablets “En defensa propia” axudará a dar resposta cun manual de autodefensa, dando a opción de denunciar o ocorrido. A app inclúe unha versión en Lectura Fácil ademais doutras ferramentas de accesibilidade.
O Comité Español de Representantes de Persoas con Discapacidade (CERMI), do que forma parte Down Galicia, lanzou a aplicación “En defensa propia”, concibida e deseñada para denunciar as vulneracións de dereitos, de todo tipo, que sofren as persoas con discapacidade e as súas familias.
A app informa de forma áxil e en termos comprensibles sobre os dereitos das persoas con discapacidade, así como dos recursos dispoñibles para a súa protección e tutela, ofrecendo unha vía en liña para a denuncia de calquera violación dos mesmos –non discriminación, accesibilidade, xénero, imaxe social, etc.-, que activará respostas de persecución, corrección e castigo.
Para non excluír a ningunha persoa potencial usuaria, a aplicación deseñouse de modo que quede garantida a accesibilidade, ademais de contar con versión en Lingua de Signos Española e en Lectura Fácil.
A aplicación, dispoñible sen custo nas tendas tanto de Apple Store como de Android, actualiza, amplía e mellora unha anterior denominada “Denuncias CERMI”, lanzada no ano 2011, e que foi a primeira canle dixital desta clase dedicada á defensa activa de dereitos no eido da discapacidade.
Para a realización deste proxecto, o CERMI recibiu o apoio da Secretaría de Estado de Servizos Sociais, do ministerio de Sanidade, Consumo e Benestar Social, a través da convocatoria do 0,7 % do IRPF de Interese Social.
Podes descargar a aplicación nas seguintes ligazóns: Apple Store / Android
Entradas relacionadas
