Soy Cappaz é unha aplicación que se foi deseñando nos últimos anos para servir de apoio a persoas que o necesiten no seu día a día, especialmente aquelas con discapacidade intelectual. Desenvolta por Fundación Mapfre e Fundación GMP, ofrece a posibilidade de gañar autonomía nas tarefas diarias, organizar axenda e entender diferentes labores e accións. Ademais, tamén axuda coa mobilidade e desprazamentos. Esta útil ferramenta, que conta xa con 4.000 usuarios, está dispoñible en castelán e inglés e pódese descargar para dispositivos Android a través de Play Store.
O proxecto contou co apoio e asesoramento da Fundación Garrigou, Down España e FEAPS Madrid. Todas elas ofreceron os coñecementos teóricos e prácticos para a creación dunha aplicación o máis sinxela e práctica posible, adaptada ás necesidades do colectivo de persoas con discapacidade intelectual.
Funcións principais
Soy Cappaz está composta principalmente de catro secciones que se implican na vida persoal e profesional do usuario:
– “Mi calendario” é o apartado no que se anotan as citas e tarefas que o usuario debe realizar. Está vinculado á aplicación de Google Calendar e preparado para lanzar avisos e recordatorios.
– “Necesito ayuda” é un botón para comunicarse directamente coas persoas de apoio en caso de urxencia. Esta sección permite organizar os contactos por orde de preferencia e mesmo establecer horarios concretos para a realización de determinadas chamadas.
– “Mis trabajos” está composto por unha serie de vídeo-titoriais sobre tarefas concretas como utilizar unha impresora, poñer a lavadora en casa, utilizar programas do computador… A aplicación permite visualizar estes vídeos desde unha galería ou usando un lector de códigos de barras para asociar determinados obxectos a tarefas concretas.
– “Dónde estoy” é un apartado que recolle os roteiros habituais que realiza a persoa de forma autónoma. Se o usuario desvíase do roteiro, tanto en tempo como en distancia, á persoa de apoio chégalle un correo electrónico.
Inclusión no mundo laboral
O gran obxectivo de Son Cappaz, tal e como o fixaron os seus creadores, é reducir a gran fenda laboral que sofren as persoas con discapacidade intelectual. Por iso, esta aplicación inclúe entre as súas seccións varios apartados dedicados ao mundo laboral que sirvan de apoio ás persoas usuarias.
