Down Lugo busca persoas voluntarias para os seus programas de formación e novas tecnoloxías
O grupo de teatro Down Lugo volveu participar, un ano máis, no Programa Buxiganga levado a cabo pola Deputación de Lugo. Trátase dunha iniciativa do executivo provincial para dinamizar a actividade cultural nos distintos municipios e para dar a coñecer e promover a actuación de grupos de teatro afeccionados lucenses. É unha forma de facer chegar o teatro a espazos onde, en ocasións, non chega.
Este ano, do mesmo xeito que o pasado, o grupo de teatro representou “Soños”, unha adaptación da famosa obra de William Shakespeare “Soño dunha noite de verán”.
Ao longo de tres meses representaron a obra en tres ocasiones. O día 28 de setembro no comedor do colexio Frei Luís de Granada de Sarria, o 19 de outubro acudiron ao centro sociocultural de Palas de Rei e o 23 de novembro actuaron no colexio de Castroverde.
A participación neste programa supuxo un reto para os membros do grupo de teatro Down Lugo, xa que, nalgunhas ocasións, os escenarios tradicionais cambiáronse por un comedor escolar ou unha sala aberta na que todo está á vista do público en todo momento (cambios de vestiario, colocación,…).
Desde Down Lugo queren agradecer a boa acollida da obra nas tres localidades e desexan poder seguir gozando desta iniciativa nos próximos anos.
Entradas relacionadas
