Down Lugo busca persoas voluntarias para os seus programas de formación e novas tecnoloxías
O pasado martes, seis mozos e mozas de Down Lugo pasaron unha divertida tarde entre fogóns. Alejandro Méndez, propietario e chef da arrozaría Os Cachivaches (Rúa Campos Novos, 26), foi o encargado de levar a cabo un obradoiro profesional de cociña para persoas coa síndrome de Down e outras discapacidades intelectuais.
Por iniciativa propia e despois de que un usuario de Down Lugo fixera prácticas no seu restaurante, este lucense decidiu impartir clases de cociña a persoas con diversidade funcional para poder ensinarlles algunhas das súas receitas máis saborosas.
Deste modo, as seis persoas participantes aprenderon a facer, seguindo as instrucións de Alejandro, lagostinos kataifi, arroz negro con luriñas, arroz con polo e lagostinos e, de sobremesa, tarta de queixo frío e torradas caramelizadas.
O obradoiro levouse a cabo na vivenda na que Down Lugo desenvolve parte do seu programa de vida independente.
O propio Alejandro indica que esta iniciativa non vai quedar soamente nun curso. “Gústame ensinar, polo que a partir de agora, imos facer un taller con Down Lugo cada dous meses”, do que espera que teña a mesma boa acollida e que, pouco a pouco, se sume máis xente.
Entradas relacionadas
