Down Galicia realiza unha etapa do Camiño Inglés ao abeiro do programa “O Teu Xacobeo” da Xunta de Galicia
Foto: Ferrol360
Patricia Serantes, presidenta de Teima Down Ferrol, e o seu fillo Luís foron as persoas encargadas de recoller a insignia de ouro que o Concello de Ferrol concedeu a Teima o pasado día 7 de xaneiro. Nunha gala celebrada no Teatro Jofre, a entidade viu recoñecida a súa traxectoria e o seu traballo durante os últimos 25 anos.
Patricia agradeceu «a inclusión real e efectiva» e avogou por «a igualdade de toda a cidadanía». Luís, pola súa banda, expresou o seu desexo de «ser carpinteiro, ter parella, conducir o seu propio coche e vivir só».
Co aforo do teatro completo, os ferroláns e ferrolás renderon homenaxe a entidades e persoas destacadas polas súas respectivas traxectorias con motivo da celebración do patrón da cidade, San Xiao. O acto institucional organizado polo Concello contou con membros da corporación municipal de Lugo, cidade irmá, como convidados.
No transcurso do acto institucional de San Xiao entregáronse as distincións do 2019, aprobadas por unanimidade da corporación. A de Ferrolán do Ano recibiuna o Rácing de Ferrol e as demais insignias de ouro foron outorgadas ao colexio San Rosendo, ao IES Leixa, á científica biomédica Paula Río Galdo, e a título póstumo, ao sociólogo Xosé Leira.
Entradas relacionadas
