Down España lanza un “chamamento urxente” ás empresas para contratar a persoas coa síndrome de Down
O 2019 acabou por todo o alto para David Novoa. Este mozo de 30 anos, membro de Down Ourense, incorporouse o pasado 31 de decembro ao seu novo posto de traballo no centro que a multinacional Leroy Merlín ten na cidade das termas. Desde inicios de ano desempeña as súas tarefas na sección de ferraxería e atópase “moi contento e ilusionado con esta nova oportunidade”.
Pero este non é o primeiro emprego de David, que xa traballou previamente durante tres anos como mozo de almacén en Primux e durante 3 meses como cuponeador de Telepizza.
Aínda que é a primeira vez que a compañía de bricolaxe, construción, decoración e xardinería colabora con Down Ourense, a empresa ten contratadas a varias persoas con discapacidade intelectual noutros centros de Galicia.
Balance anual do programa de emprego de Down Ourense
O ano 2019 presentou un balance moi positivo para Down Ourense na área de emprego, xa que 23 das 26 persoas usuarias do programa de Emprego con Apoio da entidade asinaron 24 contratos de traballo. Desta maneira elévanse a 37 o número de contratos vixentes durante o ano que acaba de terminar. Ademais, asináronse 9 prórrogas e 1 conversión a indefinido.
Por outra banda, é destacable o número de empresas colaboradoras neste 2019, sumando nesta ocasión 28 colaboracións.
Entradas relacionadas
