Fundación Ibercaja colabora co programa Emprego Con Apoio para a inserción laboral das personas coa síndrome de Down
Cunha achega de 4.300 euros, a Fundación Once colaborou durante o pasado ano 2019 co proxecto “Optimización do equipamento tecnolóxico para a xestión do Servizo de Promoción da Autonomía Persoal” de Down Galicia.
Grazas a esta axuda, a Federación puido renovar a súa infraestrutura tecnolóxica instalando un servidor central de alta capacidade con licenzas de uso e perfectamente configurado para o arquivo de datos e aplicacións de xestión da información.
O obxectivo da adquisición deste novo servidor é mellorar a calidade do Servizo de Promoción da Autonomía Persoal de Down Galicia, que se basea na prestación de apoios totalmente individualizados e personalizados ás persoas usuarias coa síndrome de Down e outras discapacidades intelectuais ao longo de todas as etapas da súa vida.
A pesar de que o servidor se instalou na sede central de Down Galicia, dá servizo a todas as entidades membro da Federación, dando cobertura así a toda a comunidade autónoma.
Aínda que é certo que as entidades de Down Galicia melloraron substancialmente o seu equipamento tecnolóxico nos últimos anos, co paso do tempo quedáronse obsoletos e deixaron de dar resposta ás necesidades actuais de xestión e planificación dos servizos prestados, polo que a actualización e renovación destes recursos era máis que necesaria para poder manter a eficacia e a eficiencia da intervención e atención da Federación e as súas entidades membro.
Entradas relacionadas
