A conselleira de Política Social visita as novas instalacións de Down Lugo
Down Lugo está á procura de persoas positivas, activas, con ganas de conectar con outras persoas e con interese no que pasa ao seu arredor, que queiran compartir o seu tempo colaborando nas actividades da entidade e axudar desta forma a mellorar a calidade de vida das persoas coa síndrome de Down e outras discapacidades intelectuais.
Actualmente, a asociación busca voluntarios e voluntarias para colaborar nos programas de Formación de Adultos e de Novas Tecnoloxías, nos que as persoas usuarias traballan as habilidades instrumentais e comunicativas, o manexo da prensa, elaboran artigos de diferentes temáticas ou reforzan coñecementos básicos para un axeitado uso das ferramentas dixitais.
Neste momento, Down Lugo conta con 10 persoas voluntarias. Son mulleres e homes de diferentes idades, motivacións, intereses e habilidades, xa que non hai un único perfil de voluntariado, senón mil formas de colaborar.
Se algunha vez pensaches en facerte voluntario ou voluntaria ou xa tiveches esa experiencia e tes ganas de volver a vivila, ponte en contacto con Down Lugo (downlugo@downlugo.org) para que che expliquen como podes colaborar coa asociación.
Entradas relacionadas
