Quirónsalud realiza revisións gratuítas para a detección de problemas oculares en Down Coruña
A Fundación Down Compostela acordou recoñecer o traballo que veñen realizando a doutora María José Fernández Seara, o artista Xurxo Martiño e a empresa Emetel Sistema concedéndolles os Premios Down Compostela 2020 pola súa implicación na mellora da saúde das persoas con Síndrome de Down e outras discapacidades ou enfermidades, por promover a expresión artística das persoas con trisomía 21 e por favorecer a súa inclusión laboral no campo das novas tecnoloxías.
Os galardóns entregaranse o próximo día 20, na gala que se celebrará no Hostal dos Reis Católicos e no que as persoas con Síndrome de Down e discapacidade intelectual volverán ser as protagonistas, xa que presentarán aos premiados e entregaranlles a escultura de Cándido Pazos que simboliza estes premios, que celebran xa a súa novena edición. O acto comezará ás 20.30 horas para conmemorar o Día Mundial da Síndrome de Down, que se celebra ao día seguinte tras a decisión da ONU de dedicar o 21-3 ás persoas con Trisomía 21 desde o ano 2012.
PREMIADOS 2020
A Comisión Executiva da Fundación DOWN COMPOSTELA aprobou por unanimidade a proposta para conceder os galardóns deste ano a:
Doutora María José Fernández Seara
Pola súa contribución a mellorar a saúde e a calidade de vida das persoas con Síndrome de Down e outras discapacidades. A doutora Seara, neonatóloga no Complexo Hospitalario de Santiago, implantou en 2002 o Protocolo de seguimento da saúde de nenas e nenos son Síndrome de Down desde o seu nacemento, seguindo as recomendacións do Programa de Saúde de Down España. Un programa de medicina preventivo que, máis aló dos coidados médicos, deriva aos nenos e nenas aos servizos de Atención Temperá e coordina a atención con outros especialistas.
Xurxo Martiño
Por pór toda a súa creatividade e saber artístico a disposición de mozas e mozos con Síndrome de Down, que atopan na pintura unha forma de realización e superación persoal. Fai case vinte anos que Xurxo Martiño traballa con Carla Lojo e Álvaro Díez, dous mozos de Down Compostela artistas xa recoñecidos e premiados. A través da pintura, axudoulles a ser eles mesmos como persoas e como artistas, cada cal coa súa particular forma de ver, plasmar e interpretar o mundo que lles rodea.
Emetel Sistemas SL
Pola súa aposta en favor da integración laboral das persoas con Síndrome de Down e discapacidade intelectual no campo das altas tecnoloxías, a ciberseguridade e os servizos dixitais. Desde 2014 está consultora con sede social en Oleiros desenvolve un programa de responsabilidade social empresarial que facilitou en 2018 a contratación de Carlota Rodríguez, unha moza da Fundación que desenvolve a súa carreira profesional en Emetel con plena satisfacción por ambas as partes.
Cada un dos premiados recibirá unha escultura do artista compostelán Cándido Pazos feita especialmente para representar estes galardóns: unha man montada sobre unha base de cuarzo do Pico Sacro. “A man é a máxima expresión do ser humano”, sinala o artista, quen utilizou as cores corporativas da Fundación (azul, amarelo e gris) para esmaltar as pezas. Coas mans, Cándido Pazos pretende simbolizar o apoio que os premiados deron ás persoas con Síndrome de Down e a recompensa que recibiron por iso.
Galardoados en edicións anteriores dos Premios Down Compostela
Na primeira edición dos Premios Down Compostela, celebrada en 2012, foron galardoados o Concello de Santiago, a empresaria Sofía Cebro e Xullo Castro Marcote, director do Hostal dos Reis Católicos. En 2013, os II Premios Down Compostela foron entregados ao CIEP Pérez Viondi da Estrada, Pizza Móvil e BBVA. Os galardoados en 2014 foron María García Quintas, a Asociación Cultural Rosalía de Castro, de Cacheiras (Teo), e a farmacéutica Keramat (Milladoiro, Ames).
En 2015 recibiron os Premios Down Compostela o catedrático de Estomatoloxía da USC Pedro Diz Deus, o Instituto As Fontiñas e Limpezas Salgado. En 2016 os galardoados foron o Concello de Rianxo, Leroy Merlín e José Antonio Rei. En 2017 foron entregados á ex directora do BBVA, Carmen Barbeito, o colexio Divino Maestro de Santiago e a empresa XADE (que xestiona o Multiusos Fontes de Sar e Santa Isabel).
Os premios DOWN COMPOSTELA de 2018 recaeron no Colexio A nosa Señora do Rosario de Arzúa (colexio Atocha), a empresa Cafento, a directora do Centro Institucións Galicia de Caixabank, María Jesús García Piñeiro, e a voluntaria Malena González Barreiro. En 2019 a Fundación premiou a Lourdes González-Laganá e Mar Caamaño; a Vero Fenda, a escola infantil municipal de Meixonfrío e á empresa Universo Milongas.
Entradas relacionadas
