Down Galicia contrata a tres persoas desempregadas a través do Programa de Garantía Xuvenil
A Federación Down Galicia e a asociación Down Coruña tomaron na tarde de onte a decisión de cancelar os actos conmemorativos do Día Mundial da síndrome de Down para evitar situacións de risco nun grupo especialmente sensible ao coronavirus como son as persoas coa síndrome de Down.
O acto principal, que ía celebrarse no Hotel Finisterre da Coruña o vindeiro sábado 21 de marzo, e no que tamén se conmemoraba o 20 aniversario da entidade Down local, será suspendido seguindo así as recomendacións das autoridades competentes.
Este evento tiña previsto acoller a entrega dos VII Premios Down Galicia, que teñen por obxecto recoñecer o labor a prol da promoción da autonomía e igualdade das persoas coa síndrome de Down, realizado tanto por institucións e entidades como por persoas particulares.
Nesta edición os galardóns recaen en Carlos Negreira na categoría de persoa individual, pola súa solidaria e desinteresada colaboración nos proxectos de Down Coruña e o seu compromiso na consolidación da asociación como un referente para que as persoas coa síndrome de Down poidan conseguir un lugar na sociedade en igualdade de condicións que o resto da cidadanía; e na categoría institucional en Vegalsa-Eroski, pola súa sensibilidade e larga traxectoria de apoio incondicional a todos aqueles proxectos que promocionan e favorecen a inclusión laboral e social das persoas coa síndrome de Down e outras discapacidades intelectuais.
A xunta directiva de Down Galicia reunirase nas vindeiras semanas para acordar unha nova data de entrega destes premios.
Entradas relacionadas
