A Federación Down España, tendo en conta a situación que estamos a vivir debido á crise provocada pola epidemia do coronavirus, quere colaborar no posible ofrecendo ás familias de persoas coa síndrome de Down consellos, orientacións e información relevante sobre diversas áreas.
Para iso, organizaron unha serie de conferencias en liña nas que diferentes expertos e expertas abordarán temas relevantes en relación á saúde, á educación, á atención temperá, á xerontoloxía, á vida independente, etc.
Ademais de seguir as conferencias, as familias participantes poderán realizar preguntas ao experto ou experta en cuestión, a través do chat aberto, preguntando en directo ou enviando as súas consultas con antelación.
Está previsto que as sesións se celebren, en principio, cada xoves pola tarde e que non se estendan máis dunha hora, aínda que poderá haber modificacións. As charlas, ás que inicialmente poderán apuntarse 500 persoas como máximo, realizaranse a través do sistema de videoconferencias ‘Zoom’, similar a Skype, pero con maior capacidade.
Para acceder á charla, simplemente haberá que facer click na ligazón que Down Galicia e Down España publicarán nas súas redes sociais. Esta ligazón leva a un cadro de diálogo no que se pregunta á persoa usuaria se quere permitir a instalación de Zoom (leva uns segundos) e, a continuación, abrirase a pantalla coa conferencia. Poderase acceder desde calquera punto cun computador e boa conexión a Internet.
Próximas Conferencias Down
Saúde: «Conversacións sobre Síndrome de Down e Coronavirus»
26 de marzo. 19:00 horas.
O doutor Pepe Borrel ofrecerá unha charla sobre os aspectos que máis poden preocupar ás familias, mesmo aos sanitarios, sobre o coronavirus e a síndrome de Down. Repasaranse os datos e coñecemento actual do que temos constancia a día de hoxe.
Ligazón para volver a ver a charla: https://bit.ly/2WUrQmt
Atención temperá: «Xogos en Familia»
2 de abril. 19:00 horas.
A experta nesta área, Sonsoles Perpiñán, realizará a xornada sobre a importancia do xogo en familia. Destinada a familias con nenos e nenas de 0 a 6 anos.
Ligazón para volver a ver a charla: https://bit.ly/34FpUQz
Xestión do estrés: «Cómo superar o medo e a ansiedade: aprender a pensar en positivo e xestionar o estrés»
7 de abril. 18:00 horas.
Paz Gómez Ferrer, coñecida polo seu traballo como psicóloga no programa La Voz Kids, orientaranos para mellorar a nosa resposta cando aparezan emocións como o medo e o estrés.
Ligazón para volver a ver a charla: https://bit.ly/2Vt3JsC
Vida Adulta: «Manterse motivado en tempos difíciles»
8 de abril. 19:00 horas.
O xerontólogo Gonzalo Berzosa falará sobre a importancia da motivación en familia para persoas adultas e maiores coa síndrome de Down.
Ligazón para volver a ver a charla: https://bit.ly/2V5D0TU
Saúde: «Reflexións durante o confinamento para manterse estable emocionalmente»
16 de abril. 19:00 horas.
A psicóloga da Fundación Catalana Síndrome de Down, Beatriz Garvía, falará das claves para manter a estabilidade emocional durante o confinamento pola emerxencia sanitaria.
Ligazón para volver a ver a charla: https://bit.ly/3fjv75k
Sociedad: «Proxecto Mulleres con Valor»
23 de abril. 19:00 horas.
Agustín Huete, profesor de socioloxía da Universidade de Salamanca, falará da realidade das mulleres coa síndrome de Down en España.
Ligazón para volver a ver a charla: https://bit.ly/3b2Cue6
Educación: «Novo curso escolar. Claves para as familias»
30 de abril. 19:00 horas.
A pedagoga e experta en educación, Ana Belén Rodríguez, impartirá unha sesión sobre os beneficios da educación inclusiva e consellos fronte ao novo curso.
Ligazón para volver a ver a charla: https://bit.ly/2WqcFPY
