Down Galicia estrea un vídeo explicativo sobre a nova reforma lexislativa en materia de discapacidade
Hoxe dá comezo o prazo para presentar a Declaración da Renda. Co IRPF comeza tamén a “X Solidaria”, unha campaña que nace das entidades sociais para animar a todos e todas as contribuíntes a marcar na súa Declaración da Renda o recadro de “Fins Sociais” (o recadro 106 de “Actividades de Interese Xeral consideradas de Interese Social”).
A Administración permite ás persoas contribuíntes a posibilidade de decidir a que queren destinar un 0,7% do diñeiro que se recada cos seus impostos. Uns fondos que se destinan integramente a realizar programas que beneficien ás persoas en exclusión social ou pobreza a través de organizacións de acción social.
En Galicia, a campaña recadou no 2019 17.463.833 €, grazas as 716.201 persoas que marcaron a X Solidaria na súa Declaración. 14.564 persoas máis que no 2018, o que permitiu recadar 956.620 € máis.
Aínda así, 604.246 contribuíntes seguen sen marcar a X Solidaria. Se o fixeran, a asignación final en Galicia sería de 29.483.834 € (12.020.001 € máis).
Das X nas prazas ás X nas casas
Nestes días, profesionais e voluntarias de moitas ONG están a prestar un servizo esencial na loita contra o COVID-19 e seguirano facendo cando remate a pandemia, apoiando ás persoas máis vulnerables e defendendo os seus dereitos. Un traballo que é posible, en gran parte, grazas a aquelas persoas que marcaron a X Solidaria na súa Declaración da Renda.
Con motivo das especiais circunstancias que estamos a vivir este ano, as entidades sociais queren animar a toda a cidadanía a que dende o 2 de abril enchan as redes sociais, as xanelas e os balcóns das súas vivendas con carteis animando a marcar a X Solidaria, para despois subir unha foto ás redes coas etiquetas #XSolidaria e #1MillonDeRazones.
Unha iniciativa que servirá para expresar todo o que se pode conseguir marcando a X Solidaria ao tempo que se pon en valor o traballo de miles de persoas que traballan ou son voluntarias en organizacións de acción social.
Asegurar o para as persoas
As redes e organizacións que impulsamos esta campaña, cremos fundamental manter a filosofía destes fondos de acción social que dende hai dous anos xestiona a Xunta de Galicia.
Evitar a dispersión e a burocracia a través a través da xestión dos fondos por un único departamento, a Consellería de Política Social, e seguir garantindo que no último trimestre do ano sexa comunicada a resolución e ingresados os cartos para poder poñer en marcha e, sobre todo, dar continuidade aos programas.
Entradas relacionadas
